Albistea entzun

HIZPIDEAK

Berdintasuna

Mikel Rodriguez -

2021eko uztailak 28 - @MikelR28

Frantziako eta Gaztelako monarkiak Erdi Aroan hasi ziren monarkaren hizkuntza erresumaren hizkuntza gisa ezartzen, eta, mende batzuk geroago, Pirinioen bi aldeetako erresumetan agintea zuten borboitarrek aldarrikatu zuten erregearen menpekoek erregearen hizkuntza jakiteko betebeharra zutela. Frantziako errepublikanoak, hortaz, ez ziren hain originalak izan frantsesa errepublikaren hizkuntza bakartzat ezarri zutenean.

Baina monarkek baino serioskiago hartu zuten boterearen hizkuntza hura ez zekitenen gainean inposatzeko ekinaldia. Berdintasunaren ideala predikatu, baina uniformizazio gisa erabilita ezarri zieten frantsesa hizkuntza hori arrotz zitzaienei. Nazio bat eraiki behar zuten, baita hura ez zegoen tokian ere. Hizkuntza inposatzen aitzindari izan da errepublikanismo frantsesa, eta molde bera aplikatu nahi izan dutenentzat eredu. Borboitarrei eutsi zien herrialdean, kasurako —Frantziako errezetak aplikatu nahi eta ezinean ari da azken 170 urtean, gutxienean—.

Joan den ekainean baxoa euskaraz egin zuten ikasle gehienei ez dizkiete azterketak zuzendu. Ikasle horiek errepublikako herritarrak dira, legez. Baina errepublikak ez ditu diren bezalakoak onartu nahi. Ez ditu berdintasunean onartu nahi, uniformizatuta ez bada. Justiziaren ideal berezi samarra saltzen duen errepublika, herritarrak lehenbiziko mailako eta bigarren mailako hiztunen artean bereizi behar baditu.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.