Albistea entzun

HIZPIDEAK

Filosofiaz

Mikel Rodriguez -

2021eko azaroak 4 - @MikelR28

Historia garaikideko prozesurik harrigarrienetako bat da Japoniak XIX. mendearen bigarren erdialdean hamarkada gutxi batzuetan egin zuen eraldaketa. XVII. mendetik 1853ra arte shogun-ak, agintari gorenak, ia guztiz debekatu zituen atzerriarekiko harremanak, eta, praktikan, herrialdea nazioartean bakartuta egon zen bi mende baino gehiagoan.

AEBek mehatxu militar batekin behartu zuten nazioarteko merkataritzara irekitzera, 1853an. Shogunak onartzea bertze aukerarik ez zuen ikusi, Mendebaldeko potentzien eta Japoniaren arteko alde teknologikoa handiegia baitzen aurka egiten saiatzeko. XX. mendea hasterako, ordea, Japonia Mendebaldearen pare industrializatuta zegoen.

Herrialdea zuzendu zuen elite berriak jakintza zientifiko eta teknikoa abiadura bizian bereganatzeko erabakia hartu zuen, baina aro horren ikertzaileek nabarmendu ohi dute garapen hori dena posible egiteko ezinbertzeko baldintza izan zela Japoniako gizarteak erregimen zaharrean zuen ezaugarri berezi bat: alfabetatze tasa handia, arte eta literatura emankorra, eta, horien eratorri, garapen filosofiko etengabe bat. Beren buruari galderak egin, zalantzak planteatu eta erantzunak aurkitzeko gaitasunak aldaketa bortitzei abiadura bizian erantzuteko gaia eman zien japoniarrei. Heziketa tekniko eta zientifikoa filosofikoaren gainetik hobesten den garaiotan, bata bertzea gabe nekez garatu daitekeela oroitzeko adibide bat.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...