HIZPIDEAK

Murga ere susmopean

Iñaki Petxarroman -

2019ko ekainak 12
Osakidetzako lan eskaintza publikoaren (LEP) balizko iruzurraren itzala gero eta luzeagoa da, eta Maria Jesus Mujika eta Jon Darpon aurreko arduradunak guztiz estali ondoren, Urkulluk izendatutako azken sailburuarenganaino ere iritsi da: Nekane Murga. Atzo Eldiario.es agerkari digitalak argitaratu zuen mediku batek egindako adierazpen bat. Hartan, nolabait agerian uzten du Nekane Murga sailburua Osakidetzako azterketako iruzurraren jakinaren gainean zegoela.

Salaketa frogatuko balitz, agerian utziko luke oso zabalduta dagoen susmo bat: hau da, azterketak zenbait hautagairi filtratzeko ohitura oso zabalduta zegoela erakunde publikoan, eta arduradun askok zutela funtzionamendu horren berri.

Jaurlaritzak, ohikoa duen moduan, Nekane Murga babestu du, eta pisua kendu dio medikuaren salaketari. Alabaina, aurretik ere sinesgarritasuna kendu zien Darponen eta Mujikaren gainean zeuden zantzuei. Osakidetzaren zurrunbilo politiko eta judiziala beste koska bat nahastu da, eta sarean harrapatu du erakundeko egungo arduradun nagusia. Aurrekoekin gertatu moduan, inoiz bere kargua utzi beharko balu, krisi larria eragingo luke, zalantzan jarriko lukeelako ea Jaurlaritzak topa dezakeen instituzio horren buru izateko konfiantzazko hautagai garbiren bat.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna
S: