HIZPIDEAK

Espainiako militarrei ordaindu?

Martxelo Otamendi Egiguren -

2020ko azaroak 26

1972ko apirilaren lehen egunean, Errenteriako 12 eta 16 urteko gazte kuadrilla batek lehertu gabeko obus baten granada bat topatu zuen Espainiako armadak Jaizkibel mendian maniobra militarrak egiteko daukan eremu erreserbatutik kanpo, bi kilometrora. Militarrek jaso gabe utzia zeukaten granada lehertu egin zen, gazteetako batek hartuta: bi gazte hil ziren, Iñaki Elosegi eta Juan Etxeberria, eta zortzi zauritu. Jose Manuel Delgado, 14 urtekoa, itsu geratu zen.

Espainiako aurrekontuen negoziazioaren harira, EAJk lortu du militarrek 2021 bukatu baino lehenago Loiolako kuartela uztea, eta lurrak Donostiako Udalaren esku uztea. Ordainduta, ordea. Balio sinboliko handiko lorpena da, Donostiako alkateak bata bestearen atzetik eskuratzen saiatu direna.

Aurreneko lorpen garrantzitsua, Gobernu Militarra Donostiako zentrotik atera, eta Loiolako kuartelean ezkutatzea izan zen; militarren haserrerako.

Bidezkoa da militarrei —urteetan lehergailuak jaurtiz Jaizkibelen inolako ardurarik gabe egin dituzten txikizioak kontuak hartuta— dirua ordaintzea Loiolako lurren truke? Biktimez horrenbeste hitz egiten den garaiotan, zer pentsatuko dute Jaizkibelen hil ziren gazte haien senideek militarrei ordaintzeko konpromisoaz?

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna