Albistea entzun

HIZPIDEAK

Eskubide bat

Mikel P. Ansa -

2022ko ekainak 23 - @peruarenaansa

Muturreko eskuinak eta fundamentalismo erlijiosoak bataila bat galdutzat jo dezakete, eta gizarteak eskubide bat onartutzat; Hego Euskal Herrian, bederen. Urtea egin du eutanasiaren legeak hor, eta 30 pertsonak baliatu dute orain arte. Izan dira kritikaren batzuk eta, euren foroetan, legea zalantzan jarri duten medikuren batzuk. Eutanasiaren kontrako osagileren batzuk ezkor agertu dira eutanasiarik egin nahi ez dutenen erregistroari buruz, PPk eta Voxek eraman dute salaketa boz gora eta gotzainen batzuk aritu dira kontra, baina, egia esan, ia oharkabean pasatu dira kritika horiek. Hego Euskal Herrian, hamar lagunetik zazpik baino gehiagok jotzen zuten eutanasia beharrezkotzat, legea onartu aurretik ere, eta normal ezarri da legea, eta normal onartu du gizarteak. Nafarroan izan dira atzerapen batzuk eta mediku objektoreen erregistroarekin kezkak ere baziren, gogoratu besterik ez dago abortuarekin zer gertatu zen: hamarkadak igaro ziren osasun zentro publikoetan abortuak egiten hasi ziren arte. Baina eutanasiarekin ez da halakorik gertatu. Eskariak iritsi dira, eta osasun zerbitzu publikoek bermatu dituzte; behar duen bezala. Arazo gehiagorekin edo gutxiagorekin, baina legez onartutako eskubide bat bermatzen hasi da, gizartearen gehienak aspaldi eskatzen zuena gainera. Eta hori bera ere bada albiste bat, bere horretan, eskubide aitortuak urratzera ohitua dagoen sistema batean.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...