Albistea entzun

HIZPIDEAK

Urari kendutako lurretan

Mikel Rodriguez -

2020ko azaroak 18 - @MikelR28

«Urak dakarrena urak daroa», dio esaera zaharrak. Eta urari kendu ohi zaiona urak berreskuratu ohi du. Hori ez da esaera zahar bat bere horretan, baina anitzetan aditu ohi da. Uholdeak gertatzen direnetan, errate baterako. Donostiaren grabatu zaharrak, XIX. mendekoak eta zaharragoak ikusita, hiriak urari zenbat jan dion argi bereiz daiteke. Ez da Gipuzkoako hiriburua kasu bakarra, inondik ere. Euskal Herrian hiri bat baino gehiago hazi dira urari lurra paratzearen kontura, bai kostaldean, padurak idortuta, baita barnealdean ere, ibaien ibilguak desbideratuta edo horiek ebakita.

Garai batean ura eta padura ziren lur horien gainean ari dira eraikitzen Donostiako Metroa, hiria altxatu zuteneko zoruaren azpian. Horixe da azpiegitura hori eraikitzeko motiboa zalantzan paratu dutenek argudiatu dituzten arrazoietako bat: egokia ez den ingurune batean eraikiko dutela, ura eta hondarra oinarri dituen ingurune batean. Eta, halaxe, bortz hilabeteren buruan, bi zulo ireki dira hiriaren erdian. Ez da herritarrek azpiegitura handi baten beharrezkotasunean konfiantza izan dezaten lortzeko modurik onena. Donostiak metro bat behar ote zuen galderari gehitu zaizkio istripuak, lanen atzerapenak eta gainkostuak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...