Albistea entzun

KRITIKA. Musika

Gazteak andante

Marta Garcia -

2021eko uztailak 29

Euskal Herriko Gazte Orkestra

Zuzendaria: Ruben Gimeno. Egitaraua: W. A. Mozarten 12. serenata (K388) Nachtmusik eta J. Brahmsen 1. serenata op. 11. Lekua: Donostiako Viktoria Eugenia antzokia. Eguna: uztailak 27.

Apenas 26 urte dituela, 1782ko uztailaren 27an, W. A. Mozartek bere aitari idazten dio aukerarik ez eta serenata bat idatzi behar izan duela presaka, baina soilik haizeen bandarako. 239 urte geroago, hain justu, Euskal Herriko Gazte Orkestraren udako topaketaren programa irekitzen aurkitu dezakegu obra, bertan haize talde egonkorra sortzeko asmo irmoa baitute, ganbera musikaren lanketan sakontzeko aukerak zabalduko dituena.

Viktoria Eugeniako taula gainean izan zen zortzikotean une oro oreka izan zen nagusi; eta tarteka musikaren norabidea atzemateko zailtasunak agertu arren, ez ziren jitoan ibili, behar zenean lema batak besteari pasatuz. Lehen Allegro-an, oboea melodikotasun eta gustu handiz; Andante-an, klarineteak mugimenduaren baretasuna eta kontenplaziorako deia ekarri zituen; Minuetaren hirutarrean, gaia oboeen eta fagoten artean jolasean.

W. A. Mozarten Nachtmusik eta divertimentoetan zein L. V. Beethovenen zazpikoteetan inspiratuta estilo neoklasiko argia duena, Johannes Brahmsen 1. serenata bere izenean argitaratutako lehen orkestra-partitura izan zen, 1860an. Zirriborroak pare bat urte lehenago hasi zituen, Leopold printzearen gortean lanaldi partzialean musika irakasle zela, Clara Schumannen gomendioari esker. Sei mugimenduetan eragin klasikoa bistakoa bada ere, piezan Brahmsek jorratutako mami erromantikoa ageri da nonahi.

EGOk eskainitako soinuan eta dinamiketan trinkotasuna izan zen nagusi, Ruben Gimenoren keinu motela gaindituz. Lehen mugimenduaren gai ugariak oparo garatu zituzten, batez ere kodaren bidaia onirikoan, arin baina sakon. Adagio-an hariak eta fagotak erregistro baxuan doi aritu ziren, Brahmsen idazketaren malenkoniaz kutsatuta, flautak maisuki itxi zuena. Tronpek, bere aldetik, lehenengo Scherzo-a agerraldi sendoz hornitu zuten; bukaeran, orkestra osoa batu zen Rondo-aren bizitasunean.

Programan konpositore gazteak eta musikari gazteak agertokian, Gazte Txartela eskuetatik erauzi baino lehen badago jakinduria eta sen ona topatzeko itxaropenik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Donostiako Zinemaldia | Laburpena, irailaren 18a

"Pasio guztiak lan bihurtzen direnean, inozentzia galtzen duzu"

Olatz Enzunza Mallona - Gipuzkoako Hitza

30 urtetik gorako lan ibilbidean, Begoña del Tesok milaka pelikula ikusi ditu. Zaletasuna lanbide bihurtu du, eta, gaur egun ere kritikak idatzi arren, film ugarik lortzen dute oraindik hura txunditzea: "Sekulakoa da".

Gaurko aurkezpena ©Urtzi Urkizu

Itziar Ituño eta Eneko Sagardoi, Paul Urkijoren 'Irati' film berrian

Urtzi Urkizu

Euskarazko pelikula berria datozen zortzi asteetan grabatuko dute Euskal Herrian eta Huescan (Espainia). VIII. mendean girotuko dute istorioa.

Donostiako Zinemaldia | Laburpena, irailaren 18a
Maixabel filmeko lantaldea, atzo, Kursaalean. ©GORKA RUBIO / FOKU

Iciar Bollain: «Ezin genuen oinazearen epikarik egin»

Mikel Lizarralde - Ainhoa Sarasola

Maixabel Lasak senarra hil ziotenekin izandako elkarrizketetan oinarritu du zuzendariak 'Maixabel'. 'Benediction' eta 'Earwig' ere aurkeztu dituzte lehiara

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Egin BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna