Albistea entzun

Tokio 2020. TOKION TOKIKOA

Olatua dator

Nagore Odriozola Juaristi -

2021eko abuztuak 4

Badirudi hamaika ikusteko edota entzuteko jaioak garela diogunean ez zaigula arrazoirik falta. Hala berretsi zuten hori Hego Koreako hainbat gizonezkok pasa den egunean, euren herrialdeko arku tiroko An San txapeldun hirukoitzari barkamena eskatzeko eta urrezko dominak itzultzeko eskatu ziotenean. Zergatik, ordea? Bada, bere orrazkeragatik. Bai, bai, bere ilea motzegia eta «oso feminista» delako, dirudienez. Horixe leporatu diote 20 urteko txapeldun horri bere herriko gizonkoteek, eta, beraz, nik ulertu dudan modura, ile «zatarra» baduzu ez zenuke Jokoetan aritu beharko. Argi eta garbi.

Benetan ari al gara? Egia da kasu horrek absurdoa ukitzen duela, bai, baina atzealdean duenak absurdoaz ezer gutxi du, zoritxarrez. Izan ere, kirolariaren erakargarritasunaz ari baikara hitz egiten, eta horixe da, esaterako, Alemaniako gimnastikako emakume taldeak salatu duena Olinpiar Joko hauetan: erakargarritasunak, kirolean, ez lukeela sexualizazioarekin zerikusirik izan beharko. Baina izan, oraindik ere badu, eta kokoteraino daude. Gaude.

Alemaniarrak Tokion arropa luzeekin lehiatu dira, eta sexualizazioaren gainetik kirolarien erosotasunak lehentasuna izan behar duela aldarrikatu dute. Egia esan, horrek izugarri pozten nau, duela gutxi hondartza eskubaloiko Norvegiako selekzioak ere antzeko zerbait egin zuelako (isuna jasoko zuela jakinda ere, legearen aurka doazen galtzamotzak erabili zituzten bikiniaren ordez Europako Txapelketan), eta horrek esan nahi du badatorrela, behingoz, olatu berri bat. Kokoteraino dauden emakume kirolariena, 2021ean oraindik ere emakumezkoen kirola saltzeko haien gorputzak saltzen jarraitu behar izateaz nazkatuta daudenena eta lege arkaiko eta sexisten aurrean planto egiten dutenena. Olatua dator, bai, ziur nago, eta hobe lukete prestatzen joan kirol merituak saldu beharrean gorputzen instrumentalizazioa ahalbidetu eta legitimatzen aritu direnek.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Euskal selekzioak partida bat jokatuko du abenduaren 20an, Txileren aurka

Euskal selekzioak partida bat jokatuko du abenduaren 20an, Txileren aurka

Ainara Arratibel Gascon

Mendizorrotzan jokatuko da partida, 19:00etan, eta Juanjo Arregi izango da selekzioaren hautatzaile berria. Irene Paredes, Maite Oroz, Nahikari Garcia eta Damaris Egurrola ezingo dira bertan egon, euren taldeekin Txapeldunen Ligako partidak dituztelako.

Qatarko emakumeen futbol selekzioko irudi bat. Hamabost partida ofizial baino ezin izan dituzte jokatu. ©BERRIA

Jokatu bai, baina lehiatu ez

Ainara Arratibel Gascon

Qatarko emakumeen futbol selekzioak 2015etik darama partida ofizialik jokatu gabe. Bost urteko ibilbidea baino ez zuen egin. Nerabezarotik aurrera, emakumeek zail dute futbolean aurrera egitea.
 ©BERRIA

Lehen dantzaldian bikain ari dira

Iñaki Berastegi

Munduko Kopa erakusleiho aparta da hain ezagunak ez diren jokalarientzat. Gazte ugari nabarmentzen ari dira txapelketan.
Walid Regragui, Marokoko selekzioko entrenatzailea, garaipena jokalariekin ospatzen. ©FRIEDEMANN VOGEL / EFE

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...