Noiz sortua: 2017-09-10 00:30:00

Guillermo del Tororen 'The Shape of Water' filmak irabazi du Venezian

Xavier Legrandek irabazi du zuzendari onenaren saria 'Jusqu'a la garde' bere lehen filmarekin
Guillermo del Torok jaso zuen zinemaldiko sari nagusia.
Guillermo del Torok jaso zuen zinemaldiko sari nagusia. ETTORE FERRARI / EFE Tamaina handiagoan ikusi

Mikel Lizarralde -

2017ko irailak 10

Guillermo del Toro zinemagile mexikarraren The Shape of Water filma Veneziako 74. Zinemaldia irabazteko hautagai nagusietako bat zen, eta aurreikuspenak bete zituen atzo jaialdiaren ekitaldi areto nagusian egindako sari banaketan. Annette Bening buru izan duen epaimahaiak hari eman zion Urrezko Lehoia. 1963an dago girotua filma, Gerra Hotzaren garaian, eta Elisa (Sally Hawkins) du protagonista nagusia. Mutua da Elisa, eta laborategi batean egiten du lan. Han maiteminduko da gizaki anfibio batez.

Zuzendari onenaren saria Xavier Legrandek jaso zuen, hunkiturik, Jusqu'a la garde filmagatik. Zuzendari frantziarraren opera prima da.

Samuel Maozen Foxtrot-entzat izan zen zinemaldiko beste sari garrantzitsuenetako bat: Epaimahaiaren Sari Nagusia. Israelgo militarizazioa salatzen du Foxtrot filmak.

Aktore onenentzako Volpi sariak Charlotte Ramplingek eta Kamel el-Bashak jaso zituzten, batak Hannah filmean egindako lanagatik, eta besteak The Insult-en egindakoagatik. Sari emateko ekitaldian, Ramplingek jaso zuen txalo zaparradarik handiena Volpi saria eman ziotenean. Bai Ramplingek bai El-Bashak kritika oso onak jaso zituzten.

Three Billboards Outside Ebbing, Missouri-k (Martin McDonagh) irabazi zuen gidoi onenaren saria, eta Epaimahaiaren Sari Berezia Warwick Thorton zinemagile estatubatuarraren Sweet Country filmarentzat izan zen.

Kritikarien saria

Sail Ofizialaren barruan banatutako sariez gain, Veneziako Zinemaldian beste batzuk ere ematen dituzte. Orizonti saileko sari nagusia, adibidez, Susanna Nicchiarelli italiarraren Nico, 1988 filmarentzat izan da, eta Fipresci Nazioarteko Zinema Kritikarien Elkarteak, berriz, Los versos del olvido (Alireza Khatami) produkzio txiletarrari eman dio bere saria. Filma Orizonti sailean eman dute. Horretaz gain, Ex-Libris- The New York Public Library dokumentala ere saritu du Fiprescik. Frederick Wisemanek zuzendu duen filma sail ofizialean lehiatu da.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 24ko datuekin eguneratua. ©BERRIA

Koronabirusaren azken datuak

Berria

Azkeneko 24 orduetan ez da hildakorik izan, 23 positibo berri detektatu dituzte PCR probekin, eta hiru gaixo ospitaleratu dituzte. Euskal Herrian 28.474 gaixok eman dute positibo guztira, koronabirusa atzemateko probaren bat eginda. Horietatik 2.013 hil dira. Grafikoak, albiste barruan.

Ikasle bat ikasgelan, Donostiako Axular Lizeoan. ©Gorka Rubio / Foku

Eskola «gutxitan» itzuli dira ikasgelara, sindikatuen arabera

Berria

ELA, LAB, Steilas, CCOO eta UGT sindikatuen arabera, ikastetxe «gutxi» izan dira gaur ateak ireki dituztenak. Sindikatuek protesta egin dute Gasteizko Eusko Jaurlaritzaren egoitzaren aitzinean.

Ikasgelara itzulera

Abian da itxialdiaren bigarren arindua

Berria

Konfinamendua samurtzeko neurriak ugaritu direla agerikoa izan da gaur; hondartzetan, makrodendetan, ostatuetan eta eskoletan aldaketa eguna izan da. Sindikatuek ohartarazi dute arretaz aztertuko dutela ea ikasleak eta irakasleak segurtasunez itzultzen ari diren eskolara, eta hala ez bada mobilizazioak egingo dituztela nabarmendu dute.

 

Gazte bat etxean ikasten itxialdi garaian. ©Raul Bogajo / Foku

Hego Euskal Herriko biztanleen %45ek «ondoeza» sufritu dute konfinamenduan

Edurne Begiristain

Konfinamenduak herritarrengan izan dituen ondorio psikologikoak aztertu ditu EHUk zuzendutako ikerketa batek.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna
Mikel Lizarralde

Informazio osagarria

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna