Albistea entzun

Debekuen gainetik, Jafar Panahiren 'Taxi'-k irabazi du Urrezko Hartza

Irango Gobernuak eragotzi egin dio Berlinera bidaiatzea.

Egungo Iranen berri ematen du filmak
Hana Saeidi, Jafar Panahiren iloba, saria Darren Aranofsky epaimahaiburuarengandik jasotzen.
Hana Saeidi, Jafar Panahiren iloba, saria Darren Aranofsky epaimahaiburuarengandik jasotzen. MICHAEL KAPPELER / EFE

Agentziak -

2015eko otsailak 15 - Berlin

Jafar Panahi zuzendari irandarra protagonista garrantzitsua izan da berriro ere Berlinale zinema jaialdian, 2011 eta 2013an bezala; baina aurtengo ekitaldian beste motibo batengatik: berak zuzendua da Taxi, film onenaren Urrezko Hartza irabazi duen lana. 2011n, Berlinaleko epaimahaikide izateko gonbita jaso zuen Panahik, baina ezin izan zuen Alemaniara bidaiatu, preso zegoelako; sei urteko kartzela zigorra eta hogei urtez zinema egiteko debekua ezarri zioten Iranen. Elkartasun uholde bat sortu zuen Panahiren kasuak —mundu osoko zinemagile eta aktoreen aldetik batik bat—, eta kartzelan 88 egun eman ondoren askatu egin zuten. Zinema egiteko debekuaren gainetik, 2013an Pardé filma aurkeztu zuen Berlinalen, Irango Gobernuak legez kanpokotzat jotako filma; aurten, berriz, Taxi aurkeztu du, atzo sari nagusiaren irabazle izendatu zutena. Irango Gobernuak ezarritako debekuaren ondorioz, Berlinera joaterik ez du izan, ordea, ez filma aurkeztera eta ez saria jasotzera.

Taxi filmean egungo Irango gizartearen berri eman du Panahik, Teherango kaleetan taxi bat gidatuz eta bezeroekin izandako solasak filmatuz osatutako reality faltsu baten bitartez. Irango Gobernuak debekatu arren, zinema egin beharra duela adierazi du zinemagileak.

Zilarrezko Hartza-Epaimahaiaren Sari Nagusia Pablo Larrainen El Club filmarentzat izan da, eta Zilarrezko Hartza Alfred Bauerren Ixcanul-entzat. Zuzendari onenarentzako Zilarrezko Hartza Radu Judek jaso du, Aferim-engatik. Horiez gain, honako sai hauek ere banatu zituzten atzo, jaialdiaren amaieran: emakumezko aktore onenaren Zilarrezko Hartza, Charlotte Ramplingentzat (Andrew Haighen 45 Years); gizonezko aktore onenarena, Tom Courtenayrentzat (45 Years); Opera prima onenarentzako saria, Gabriel Ripsteinen 600 millas-entzat; gidoi onenaren Zilarrezko Hartza, Patricio Guzmanentzat (El botón de nácar); ekarpen artistikorik onenaren Zilarrezko Hartza, Sebastian Schipperren Victoria-rentzat eta Alexei Germanen Pod Elektritxenskimi Oblakami-rentzat; film laburrik onenaren Urrezko Hartza, Na Young-kilen Hosana-rentzat; film laburren arloko Zilarrezko Hartza, Joana Arnowren Bad at dancing-entzat; eta Fipresci saria, Jafar Panahiren Taxi-rentzat.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Inazio Mujika, Aintzane Atela, Miren Arratibel, Manu Lopez eta Joxean Muñoz, gaur goizean, Donostian. ©Gorka Rubio / Foku

Edith Wharton batu da Literatura Unibertsala bildumara

Itziar Ugarte Irizar

Egile estatubatuarraren 1911ko ‘Ethan Frome’ nobela laburra euskaratu dute Miren Arratibelek eta Aintzane Atelak. Izen bereko pertsonaiaren gorabeherak ditu ardatzean.

Alex Sanvi eta Unai Iturriaga, atzo, Elkarreko komikiaren txokoan, Donostian. ©MAIALEN ANDRES / FOKU

Mundura atera dira H.B. eta Lo-li-ta

Itziar Ugarte Irizar

Unai Iturriagak eta Alex Sanvik 'Haur Besoetakoa. Itsasoan urak handi' komikia eman dute, Ikastolen Elkartearen eta 'Xabiroi'-ren eskutik. Orain arteko albumik «sendoena» dela uste dute

 ©JAIZKI FONTANEDA / @FOKU

Euskal Herrira itzuliko da gaur Patti Smith

Aitor Biain

Gasteizko Azkena Rock jaialdian eskainitako emanaldiaren ondotik, Euskal Herrira itzuliko da Patti Smith; Donostiako Kursaal auditoriumean ariko da gaur iluntzean. Punk-rockaren ikur handienetako bat da, eta Donostian emango dio amaiera Europa osoan egindako kontzertu birari.

Alexei Volodin pianista, artxiboko irudi batean. ©EUSKADIKO ORKESTRA

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...