Albistea entzun

Gerra Ukrainan

Mariupolgo altzairutegiko ukrainar soldaduek «amore eman dute»

260 militarrek baino gehiagok utzi dute Azovstal, 82 egunen ostean. Finlandia eta Suedia NATOn sartzeko eskaera aurkeztekoak dira gaur
Errusiako armada Ukrainako militarrak arakatzen, atzo, Mariupolen.
Errusiako armada Ukrainako militarrak arakatzen, atzo, Mariupolen. EFE Tamaina handiagoan ikusi

Mikel O. Iribar -

2022ko maiatzak 18

Errusiako tropek «erabateko garaipena» lortu zuten atzo Ukrainako Mariupol hirian, Azovstal altzairutegian 82 egunez gotortuta zeuden Ukrainako soldaduek eta Azov batailoi paramilitarreko kideek —eskuin muturreko talde armatu bat— «amore eman» ostean, Donetskeko Herri Errepublikako lurralde defentsarako buruak aditzera eman zuenez. Orotara, 264 soldadu atera zituzten altzairutegitik, eta horietatik 53 Errusiaren kontrolpean dagoen Donbassko eskualdeko Novoazovsk hiriko erietxe batera eraman zituzten, «larri». Ukrainako Gobernuak «bukatutzat» eman zuen Azovstalgo «misioa», eta gisa horretara eman diote amaiera erresistentziari.

Vladimir Putin Errusiako presidenteak Azovstalen gotorturikoen aurkako erasoaldia bertan behera uzteko agindu zuen apirilaren 21ean. Errusiako soldadu eta ofizialen bizitzak babestu behar zirela argudiatu zuen. Horren ordez, ingurua erabat zigilatzea erabaki zuen Putinek, eta militarrei agindu zien altzairutegitik «euli bat bera ere ez» zedila atera.

Azkenean, Moskuren baldintzak onartu ditu Kievek. Aurretik, soldaduekin eta Azov batailoi paramilitarreko kideekin batera harrapatuta zeuden ehunka zibil ateratzen aritu dira azken asteotan.

Mariupoldik kanpo, Mikhailo Podoliak negoziatzaile ukrainarrak atzo esan zuen Errusiarekiko elkarrizketak «etenda» daudela, eta ez dela «aurrerapen esanguratsurik» egin. Bide beretik mintzatu zen Andrei Rudenko Errusiako Atzerri ministrordea ere, baina Kievi leporatu zion negoziazioetatik «irtetea».

Suediakoaren gisan, Finlandiako Parlamentuak ere NATO Ipar Atlantikoko Itunaren Erakundean sartzeko erabakia onetsi zuen atzo, diputatuen ia %95en babesarekin. Behin urrats hori eginda, Eskandinaviako bi estatuek gaur aurkeztuko dute erakundera batzeko eskaera formala, Bruselan, aliantzak duen egoitzan. Hala jakinarazi zuten atzo Finlandiako presidente Sauli Niinistok eta Suediako lehen ministro Magdalena Anderssonek, Stockholmen.

Turkiak bereari eusten dio

Niinisto ez zen kezkatuta azaldu erakundera batzeko Turkiak ezarri dezakeen oztopoagatik. Bada, Turkiako presidente Recep Tayyip Erdoganek beste behin esan zuen Ankarak betoa jarriko diela bi herrialdeak aliantzan sartzeko eskaerei, baldin eta herrialde horiek politikari erbesteratuak hartzeko asmoari eusten badiote.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Elkarretaratzea Melillan

Isiltasunaren oihu beltzak

Jone Arruabarrena

37 migrante hil ziren joan den ostiralean Marokoren eta Espainiaren arteko mugan, gobernuek oraindik argitu ez dituzten arrazoiengatik. Gertakariak salatzeko, elkarretaratzea egin dute Melillan bizirik atera ziren migratzaileek.

«Migratzaileak modu eredugarrian antolatu dira»

«Migratzaileak modu eredugarrian antolatu dira»

Jone Arruabarrena

Labaka eta Soriano elkartasun langileek azaldu dute joan den astean Melillako hesia gurutzatu zuten migranteak antolatzen ari direla beren eskubideen alde: «Haiek badaukate ahots propioa».

Bi herritar oinez, New Yorkeko zentral elektriko baten ondotik igarotzen. ©Justine Lane, EFE

AEBetako Gorenak CO2 isurketak mugatzea zaildu dio Washingtoni

Iñaki Petxarroman

Gobernuaren esku den Ingurumena Babesteko Agentzia isurketak mugatzeko ahalmenik gabe utzi dute epaile atzerakoiek. Erregai fosilen aldeko lobbyen garaipena da sententzia.

Xi Jinping Txinako presidentea, artxiboko argazki batean ©EFE

«Blokeen arteko konfrontazioa» sustatzea egotzi dio Txinak NATOri

Igor Susaeta

Kontzeptu estrategiko berrian jasotakoaren harira, «etsaiak sortzeko taktika zaharrarekin» jarraitzea leporatu dio Pekinek aliantza militarrari.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...