Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

Donostiako 67. Zinemaldia. VOYEUR ENEA

Mamurik nazioartekoenak

Andoni Imaz -

2019ko irailak 28

Akabo udari eskatutako luzapena; udazkena bihar iritsiko da Donostiara. Alfonbra gorriak kiribilduko dituzte langileek, eta besapean hartuta gordeko dituzte nonbait, atzera norbaitek zapaldu arte. Besapean kiribilduta etxera eramandako Zinemaldiko egunkariek balioko dute zapata lokaztuak gainean jartzeko. Glamourraren trena azken geltokira iritsi da.

Doluaren inguruko lan bat aurkeztu du egunotan Denis Cote zinemagile kanadarrak Zabaltegi-Tabakalera sailean: Répertoire des villes disparues. 215 biztanleko herri bateko mutil gazte bat hil ondoren, herria bera hiltzen da harekin. Bizilagunek ez diote bueltarik emango; negu luzea iritsiko da hara. Orduan, hildakoz beteko dira kaleak. Ez dira zonbiak, ez diote inori kalterik egin nahi. Herri horretan bizi ziren hildakoak dira, eta herri horretan jarraitzen dute. Herri txiki zoriontsua zena herri fantasma besterik ez da orain, negu gogorraren erdian.

Hildakoak ez, bizidunak agertzen dira Invasion of the Body Snatchers filmean (1956). Orduan, komunismoaren mamuak biltzen zuen giroa, eta paranoia horren erdian iristen ziren bisitariak: zorroak uzten zituzten, eta horietatik irteten ziren gizatasunik gabeko estralurtar bihozgabeak, komunitatearen jabe bilakatzeko. Ondorio horretara iritsi dira filmaren inguruko zenbait teoria, behintzat.

Garai bakoitzak ditu bere mamuak, eta aurten topatu ditugu batzuk Donostiako Zinemaldian: polizia indarkeriarena, ekonomia krisiarena, ezkerraren noraezarena, ondokoarekiko inbidiarena eta muturreko prekaritatearena, besteak beste.

Ez da paranoiarik hedatu inguruan, baina Zinemaldiko ekintzen inguruan pertsona batzuk agertu dira azken egunotan; horiek bizi-bizirik zeuden. Zaintzaldia antolatu dute ia ehun egun greban daramatzaten Gipuzkoako zahar etxeetako langileek. Haiengana joan zen atzo Ken Loach zinemagilea, zinema sozialaren ikur handienetako bat, grebalarien kamiseta morea soinean, langileei babesa adieraztera.

Donald Sutherland Donostia saridun aktorea Invasion of the Body Snatchers filmaren remake-ko (1978) protagonista da. Mamua zabaldu zuen Kursaaleko ekitaldian, bularrari kolpeka: «Mila esker, Euskal Herria!». Donostiako Zinemaldiko antolatzaileek Penelope Cruzen inguruan esandakoa egokiagoa izan daiteke harentzat, izan ere: Donald Sutherland, «gure aktorerik nazioartekoena».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

2021eko disko eta liburuen bilduma ikusgai jarri du BERRIAk

Berria

Aurtengo euskarazko liburu eta diskoak kontsultatu daitezke webgune berezian. Euskal kultur sorkuntzari ikusgaitasuna eman nahi dio, kulturazaleen esku jarriz urteko sormen lan guztien informazioa.

Estitxu Arozena Saioa Alkaizari txapela janzten, gaur, Anaitasunan (Iruñea). ©Idoia Zabaleta / Foku

Saioa Alkaiza Nafarroako txapeldun

Hodei Iruretagoiena

Alkaiza eta Eneko Lazkoz Martinez aritu dira txapelaren lehian buruz burukoan.
Honela eman du BERRIAk finalaren berri, zuzenean.

<em>Mental Illness</em> aurreko diskoan ere heldu zion buruko gaitzen gaiari Aimee Mannek. ©BERRIA

'Udako hotel' bateko testigantzak

Mikel Lizarralde

Aimee Mannek 'Queens of The Summer Hotel' diskoa egin du, Susannah Kaysenen 'Girl, interrupted' memoria liburuan oinarrituta. Buruko gaitzetarako erietxe bateko egoiliar eta medikuak bihurtu ditu kantuen protagonista

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.