Albistea entzun

GIZARTEA PENTSALDIAN

Lapurtutako Gabonak

Jonathan Caro - Erizain geriatra eta EHUko irakaslea

2020ko abenduak 17

Gabonetako festak hurbil daude. Komunikabideetan familia osoa ez elkartzeko eskaera egiten da, esaten dute arriskuak ez duela merezi, familia nukleo ugari ez elkartzeko eta bestelako aholkuak ematen dituzte. Eztabaida handia dago horren inguruan eta hori askatasunaren zeinua da. Egun bereziak datoz guztiontzat, baina zahar etxeetan bizi direnek ezin dute eztabaida hauetan parte hartu; hortaz, haien askatasuna indarrean dagoen dekretuaren menpe edo egoitzako zuzendaritzaren zorroztasunaren menpe egongo da.

Ezarritako protokoloek egoitzetatik ateratzea debekatzen badute, egoiliarrek egoitzan geratu behar dute derrigorrez. Aldiz, ateratzeko baimena badaukate, bueltatzerakoan jasan behar dituzten neurriak (PCRa, bakartzea...) oso zorrotzak badira, ateratzeko grina ezabatu lezakete. Hau guztia bidezkoa den aztertzerakoan eztabaida pila bat datozkit burura: norbanakoaren edo taldearen eskubideak, osasun emozionala sustatu edo kutsatze arriskua ekidin, neurriak lasaitzea merezi duen egun gutxi batzuetarako...

Baina zahar etxeei begira, kezka handiena eragiten didana Gabonetan inoiz ateratzen ez diren pertsonen egoera da. Egun hauek oso inportanteak dira edonorentzat, are gehiago egoitzatik inoiz atera ezin direnentzat. Hauxe arintzeko, zahar etxeetan aktibitateak ugaltzen dira: Olentzeroren bisita, abesbatzen saioak, herriko umeen antzerkiak edo hiriko argiak ikusteko txangoak... Eginkizun hauek guztiak, jakina denez, bertan behera geratu dira.

Zahar etxe askotan, Gabon gauean edo Urtezahar gauean, jantokiko mahai guztiak elkarren ondoan ipintzen dira mahai luze berri bat eginez, ezkontza bat balitz bezala. Bertan zaharrek jaten dute eta euren kontakizunei ekiten diete elkarren alboan. Horrelako gauza txikiek ospakizun egunak bereziak bihurtzen dituzte, baina zoritxarrez aurten egun guztiek normalak izaten jarraituko dute.

Zer esan nahi dut burutapen honekin? Gabonak zaharrentzat hain aro berezia dira, non euren familien falta gogorrago sentitzen baitute. Badira pertsona asko egoitzatik inoiz ateratzen ez direnak eta giro berezi hau lortzeak, behintzat, estimulu on bat eragin ohi du haien bizipenetan. Etengabe ekin diezaiokegu ateratzearen edo ez ateratzearen arriskuaren eztabaidari, baina arduratu gaitezen irteteko betirako ahalmena galdu dutenez ere, aurten hauei, beste hainbat gauzarekin batera, Gabonak ere lapurtu dizkietelako.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Euskal Eskola Publikoaz Harro Topagunearen prentsaurrekoa, atzo, Bilbon. ©JAIZKI FONTANEDA / FOKU

Manifestaziora deitu dute eskola publikoaren alde azaroaren 6rako

Javi West Larrañaga

Arabako, Bizkaiko eta Gipuzkoako hezkuntza akordio berriaren harira, «eskola segregazioari eta inklusio faltari» aurre egingo dien sistema bat eskatu du Euskal Eskola Publikoaz Harro Topaguneak
Emakume bat, etxe agentzia baten aurrean. ©LUIS TEJIDO / EFE

Alokairuen prezioa soilik «tentsio handiko» tokietan mugatuko du Madrilek

Juanma Gallego

Ministroen Kontseiluak etxebizitzaren lege aurreproiektua onartu du. Erkidegoen esku utziko dute araua aplikatzea eta prezioak arautzea
Eusko Jaurlaritzako Osasun sailburu Gotzone Sagardui, artxiboko irudi batean. ©ENDIKA PORTILLO / FOKU

Sagarduik «tentuz» jokatzeko eskatu du, joera «goranzkoa» delako

Irati Urdalleta Lete

Sailburuaren hitzetan, goizegi da beste olatu bat datorrela esateko, eta ez dago jakiterik «goranzko» bilakaerak zer eragin izango duen ospitaleetan

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.