PASCALEN ESFERATIK

Inperioen sena

Xabier Amuriza -

2019ko maiatzak 4

Inperio batek utzi ahal dio handitzeari, baina ez inperio izateari. Txikitu ere egin daiteke, baina ez inperio izateari utzi. Baldin suntsitua izan ez bada. Inperio baten umeak, ez dakit gehienak, baina bai gehien erabakitzen dutenak, harrotzen dira euren historiaz. Eta harrotasun hori mundu guztiak parteka dezan nahi dute, barruko nahiz kanpoko. Adiskidetzat hartuko zaituzte, inperioengatik sentitzen duzuna (baldin sentitzen baduzu) aipatzen ez diezun bitartean.

Errege Katolikoek, Karlos V.ak, Albako Dukeak, Primo de Riverak, Francok, Gonzalezek, Aznarrek, Abascalek, Casadok edo Riverak Espainiaren izateaz daukaten ideia faktikoa berdina da. Inperioaren sena herentzia bat dute. Pentsamenduaren kategoria bat. Batzuek inperioa hedatze-aroan bizi izan zuten, urre-minez. Beste batzuek, murrizte-aroan, erreminez. Azkenekoek, mantentze-aroan, aurre-minez. Kanpo baldintzak edo korrelazio internazionalak aldatuko dira, baina senen segidak bere hartan dirau. Senak pluralean dira oraingoan. Hots, Espainian, Frantzian, Turkian, Indonesian...

Historia inperantea inperioetatik egin dela eta egiten jarraitzen dela badakigu, badakite, baina ez zaie gustatzen auzia termino horietan kokatzea. Bai gustatzen zaie harrotasun inperiala kulturen handitasunean estaltzea. Aurkariok gaizki egingo genuke, sen inperialari aurre egiteko, kulturen handitasuna arbuiatuko bagenu. Bilakaera politikoen eta kulturalen zuzeneko loturak argiak badira ere, arlo guztiz banangarriak direla jakin behar da.

Aipatu sen horretatik euskaldunok ere apenas libratzen garen, baldin egia bada —eta da— askori ez zaiela lotsagarri iruditzen, esaterako, gure Lope Agirre herrikide historiko bat izatea. Kolonizatzaile ankerrik bazen, bera bat. Hori ere historia baita. Historia genozida baten atal lotsagarrietako bat.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Zarauzko (Gipuzkoa) hondartz, ekainean. ©Juan Carlos Ruiz / FOKU

Zarauzko Talai Mendi kanpinean PCR probak egiten dabiltza, bezero ohi batek positibo eman ostean

Amaia Ramirez de Okariz Kortabarria

Langileei PCR probak egin dizkiete, eta etxera bidali dituzte. Bezero batzuei ere egin dizkiete probak. Emaitzak jaso bitartean, kanpinera ezin da inor sartu eta bertatik irten.

Hainbat herritar, Iruñean, maskara jantzita. / ©Iñigo Uriz, Foku

Maskarak erabiltzea derrigorrezkoa izango da Hego Euskal Herrian

Joxerra Senar

Araban, Bizkaian eta Gipuzkoan, bihartik aurrera kalean ere jantzi beharko da maskara; Nafarroan, etzitik aurrera. Igerilekuetan eta hondartzan, maskara jantzi beharkoa da, bainua hartzeko izan ezik. Kirola egiteko orduan edo naturguneetan ken daiteke. Jaurlaritzak botila festa debekatu egin du.

Herritarrak PCR proba egiteko zain. ©Jon Urbe / Foku

80 kasu gehiago Hegoaldean, eta lehen hildakoa Nafarroan ekainaren 11tik

Edu Lartzanguren

Gipuzkoan indarrez ari da izurria: 41 kasu baieztatu dituzte. Iruñean beste agerraldi bat atzeman dute, eta gutxienez hiru lagun kutsatu dira.

Banksy grafitigileak maskarak janzteko eskatu du ekintza batez

Banksy grafitigileak maskarak janzteko eskatu du ekintza baten bidez

Edu Lartzanguren

Londresko metroan sartu da, garbitzaile jantzita, eta koronabirusaren inguruko irudiak margotu ditu.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna