Albistea entzun

PASCALEN ESFERATIK

Kristo gorria

Xabier Amuriza -

2019ko urriak 26

Eskultore, margolari, marrazkilari gehienek oihaltxo bat edo tanga bat erantsi diote Kristo biluziari, espiritu alaiago bat emateko edo. «Segi zuek igeri! Ni hemen geldituko naiz». Zerbaitegatik esan zien gurutziltzatuak zelaiko emakumeei: «Ez egin negarrik nigatik. Egizue zeuengatik eta zeuen umeengatik». Artista batzuek idulki bat ere jarri diote oinetan. Iltzeak gutxiestea dirudi. Bakarren batek, idulkiaz gainera, oinak bikotean josten ditu, iltze banarekin. Ez dakit. Ez dirudi Jainkoaren seme batek hainbeste erraztasun behar lukeenik.

Badira gurutziltzatu kezkagarriagoak, Arantzazuko Kristo Gorria, adibidez. Honengan ez da nabari oinazerik, haserrea baizik, aurrean jartzen zaion edonori egotziz bezala bi mila urte alferrik daramatzala josita. Gaizki ari naiz. Ez dago gurutzerik. Kristo piztua da. Lantza, bera bakarrik mantentzen da airean, izate berria ingrabidoa bailitzan. Baina ez dirudi pizkundeak subjektuari grazia handirik egin dionik. Gurutzean gusturago egon izan balitz bezala. Emakume sentiberegi haiek oker ulertu zuten gurutziltzatze originala, artelan gehienek ez baitute eragiten suposa litekeen horrorerik. Hor dago Velazquezen Kristo gurutziltzatua, Unamuno mistiko bihurtu zuena. Proba zeure gorputzean eta nabariko duzu zer gozoa den heriotza gurutze batean.

Basterretxearen margo originalean Kristo atzez ageri zen. Gotzainak, ikustean, haserre egin zion. «Baina, Nestor! Nola jartzen didazu Kristo bat, kristauei atzea emanez?». Nestorrek amore eman zuen. «Buelta emanda nahi duzu? Emango diot, ba!» Eta horra Kristo gorria. Asturiar mediku bat (oso fededuna) ikaratuta gelditu zen Kristo gorriaren aurrean. Hasierako asmoaren aldakuntza kontatu genion, eta hots egin zuen: «Aurpegi hori erakustekotan, hobe atzez utzi izan balute». Guretzat horrelaxe dago, ba, naturalen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

KANTATUKO DIREN HITZAK SORTZEA

KANTATUKO DIREN HITZAK SORTZEA

Aitor Biain

Musikari askok bilakatzen dituzte kantu beste sortzaile batzuek idatzitako hitzak. Enkarguz egin ohi dituzte gehienetan, doinua eta gaia aurrez emanda, baina baita aurretik idatzitako testuak erabilita ere. Entzulearentzat sarri ezezaguna izan ohi den langintza da, ordea, kanta idazlearena.

Camen Martin Gaite idazlea, 1995. urtean. ©BERRIA

Solas betea

Joannes Jauregi

XX. mendeko idazle nagusietako bat izan zen Carmen Martin Gaite espainiar letretan. Pentsamendua muturreraino atzeman nahi izan zuen, eta ahozkotasuna ere idatzira ekarri.

Irati Jimenez idazleak iaz plazaratu zuen <em>Begiak zabalduko zaizkizue</em> saiakera. ©OSKAR MATXIN EDESA / FOKU
Los Angeleseko bere etxean grabatu du disko berria Sharon van Ettenek. ©TORBEN CHRISTENSEN / EFE

Trauma baten aringarri

Mikel Lizarralde

Pandemia bete-betean eta hark eraginda sortu ditu Sharon van Etten kantari estatubatuarrak 'We've Been Going About This All Wrong' bere seigarren diskoko hamar kantuak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...