PASCALEN ESFERATIK

Txikitasunaz harro?

Xabier Amuriza -

2018ko abenduak 1

Hizlari batek esan zuen: «Geure txikitasunaz harro eta itxaropenez, jokatzen badugu asmoz eta jakitez, lemak dioenez». Ondoan neukan lagunak ahopetu zidan: «Hori egin dezakete handiek ere». 'Asmoz ta jakitez' Eusko Ikaskuntzaren goiburua da, bizkaiera zaharreko esate honetatik aterea: «Bekoak goikoa ezkondu leidi ta txikiak andia benzi leidi, asmuz ta jakitez». Honela ere formula zitekeen: «Andiak txikia benzi leidi asmuz ta jakitez ere». Hau guztia, nire lagunaren ekarpena.

Beti iruditu zait txikitasunaz harrotzeak akats logikoren bat zeramala. Tamaina ezin da izan kalitate baten adierazle funtsezkoa, oso erlatiboki ez bada. Elefantea handia da. Erlea txikia al da? Ba, animalia-erreinuan, erlea baino txikiagoak askoz gehiago dira handiagoak baino. Uste dut kontzeptu fidagarriena «osotasuna» litzatekeela. Erlea elefantea bezain osoa da. Ez dakit zein den osotasun perfektuagoa.

Pentsa daiteke, noski, osoa eta indartsua izatea ere. «Oihaneko erregea», adibidez. Ez nago hain ziur. Erregetza patetikoa iruditzen zait euliz josita datzan lehoiarena, desesperazioaz beste defentsa gabe. Nahiago dut kurloi bat izan, ez bakarrik, bulgaritatearen magalean, noranahi sartzeko bere graziagatik, baizik, areago, gorputza defendatzeko duen moldeagatik, hauts artean bada ere. Eta euli bat ingura dakion irrikaz, jateko.

Hizkuntzaz eta kulturaz, ematen dit atseginago izan behar duela, esaterako, estoniar sentitzea (hainbeste inbasio, okupazio eta purga jasanik, gaur osotasunean bizi direla dirudi), ezen ez inperio (ohi) bateko hiritar. Emanik hiritar hori ez dela euren historia inperialaz harrotzen direnetakoa. Osorik ala osatzeke, datu nagusia joera izan daiteke. Norantz goaz? Osotasunerantz ala… Erantzuna, hurrengo batean. Bitartean, harrotzeko motiboak baino kasik nahiago ditut poztekoak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Bi pertsona maskarak soinean daramatzatela, autobusean. ©JUAN CARLOS RUIZ / FOKU

Lau gako asintomatikotasunaz

Arantxa Iraola

Kutsatu guztiek ez dituzte izaten sintomak. Adituek diote COVID-19an positibo emandakoen erdiek-edo, birusa izan arren, ez dutela batere sintomarik. Horrek zaildu egiten du izurriaren kontrola.

Ikasgela huts bat, artxiboko irudi batean. ©Jon Urbe, FOKU

Beste hamabost ikasgela itxi ditu Jaurlaritzak

Uxue Rey Gorraiz

Eusko Jaurlaritzak esan du 280 ikasgela daudela bakartuta Arabako, Bizkaiko eta Gipuzkoako hezkuntza sisteman, pandemiarengatik.

Sindikatuek jantoki zerbitzua bermatzeko egindako elkarretaratze bat, artxiboko irudian ©luis jauregialtzo / foku

Hezkuntza Sailak 630 langile kontratatu ditu jantokietarako

Irati Urdalleta Lete

EHIGEren iritziz, ez da nahikoa Arabako, Bizkaiako eta Gipuzkoako eskola publikoetako jantokietarako 630 langile kontratatzea. Hezkuntza Sailak ez du jardunaldi jarraitua ezarriko Haur Hezkuntzako eta lehen Hezkuntzako ikasleentzat.

PCR probak, Urdulizko ospitalean. ©Aritz Loiola, FOKU

Positibo gutxiago atzeman dira

Uxue Rey Gorraiz

Beste 679 detektatu dituzte Hego Euskal Herrian, eta apaldu egin da ospitaleratuen kopurua: 42 lagun sartu dituzte erietxean azken egunean. 72 gaixo daude ZIUetan. Gizonezko bat hil da Nafarroan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna