Noiz sortua: 2020-02-27 00:30:00

Ingurumena. Luizia Zaldibarren

Bizkaiko Foru Aldundia akusazio partikularra izango da Zaldibarko auzian

«Mugimendu esanguratsurik» egon ez arren luizi arriskua dagoela aitortu du Rementeria Bizkaiko ahaldun nagusiak, «pitzadurak daudelako»
Unai Rementeria, artxiboko irudi batean.
Unai Rementeria, artxiboko irudi batean. ARITZ LOIOLA / FOKU Tamaina handiagoan ikusi

Irati Urdalleta Lete -

2020ko otsailak 27
Bizkaiko Foru Aldundia akusazio partikularra izango da Durangoko (Bizkaia) epaitegiak Zaldibarko (Bizkaia) zabortegiko luiziaren harira irekitako auzian. Hori ziurtatu zuen Unai Rementeria Bizkaiko ahaldun nagusiak atzo, Bizkaiko Batzar Nagusietako kontrol saioan.

Hiru aste pasatu dira Zaldibarko zabortegia amildu zenetik, eta oraindik zabor azpian segitzen dute bi langilek. Rementeriak EH Bilduri eta Elkarrekin Podemosi erantzunez esan du lurraren ezegonkortasuna dela «etsairik handiena». «Oso arazo larria izan zen hasieran, eta luizi gehiago gertatzeko arriskua dago», ohartarazi du. Hori dela eta, «zuhurtzia handiz» aritu behar izan dute. Rementeriaren arabera, adituek esan dute ez dagoela «mugimendu esanguratsurik» eta lurra egonkortzen ari dela, baina aitortu du luizi gehiago gertatzeko arriskua dagoela, pitzadurak daudelako; horietako batzuk, «handiak». Nabarmendu du langileak lanean ari direla hori saihestearren. «Denbora asko behar da, eta hilabeteetako lana izango da». Zortzi metro luzeko horma bat eraikitzen hasita daudela azaldu du, Zaldibar parean AP-8 errepidearen «segurtasuna hobetzeko», eta erantsi du protokolo bat martxan daukatela «alerta txikienaren aurrean» autobidean nola jokatu jakiteko.

Bizkaiko Foru Aldundiaren lanaz ere aritu da Rementeria. Ziurtatu du larrialdiari erantzuten aritu direla lehen minututik, baina onartu du agian akatsak egin dituztela «krisiaren kudeaketan», eta gauza batzuk hobeto egin zitezkeela. Nabarmendu du hasieratik lehentasuna izan dela desagertutako bi langileak aurkitzea, eta haien familiei «errespetua eta elkartasuna» helarazi die. «Ea ahalik eta azkarren aurkitzen ditugun». Horretarako «ahal duten guztia» egiten ari direla ziurtatu du. Desagertutakoen senideak ez ezik, luiziaren inguruko herritarrak ere izan ditu hizpide, eta esan du ulertzen dituela haien «haserrea eta beldurrak».

Lanean ari direnei eskerrak eman dizkie Rementeriak, eta erakundeen arteko koordinazioa «erabatekoa» dela nabarmendu du. EH Bilduk eta Elkarrekin Podemosek zalantzan jarri dute koordinazio hori, eta gertatutakoa argitzeko eskatu dute. Bea Ilardia EH Bilduren Bizkaiko Batzar Nagusietako bozeramaileak esan du hasierako orduetan «koordinazio falta argia» egon zela. «Zabortegiko luizia ez da hondamendi natural bat, gizakiarena, ingurumenarena eta osasunarena baizik», zehaztu du. Erantsi du «odol gehien botatzen duen zauria» oraindik bi langile desagertuta egotea dela. Konponbideez gain, ardurak hartzeko eskatu du, eta nabarmendu herritarrek agintarien «gardentasuna eta segurtasuna» behar dituztela. EPko bozeramaile Eneritz de Madariagak ere «koordinazio falta» salatu du, eta esan du ez zutela eduki «egoeraren tamaina baloratzeko gaitasunik». Gainera, eskatu du hondakindegiko zaborra nora eramango duten esateko.

Rementeriak, aldiz, Iñigo Urkullu lehendakariren lana txalotu du, «hasieratik krisiaren buru izateagatik», eta Eusko Jaurlaritzari eta inguruko herrietako alkateei eskerrak eman dizkie, «dena ematen ari direlako egoera berri eta konplexu horretan». Bestelako hitzak izan ditu, ordea, alderdi politiko horientzat, eta «jendearen beldurra manipulatzea» egotzi die. EH Bilduz esan du «beste jarrera bat» espero zuela, «sorbalda gerturatzea, herriari laguntzeko». Era berean, ziurtatu du «polemika bila eta gobernua ahuldu nahian» aritu direla. «Horrelako ezbehar batean, zergatik ezin gara guztiok elkarri eskutik emanda joan?».

Udalak ere bai

Eibarko (Gipuzkoa) eta Ermuko (Bizkaia) udalak ere Zaldibarko luiziaren auzian akusazio gisa aurkeztuko dira, ustezko ingurumen delitu batengatik. Durangoko epaitegian dago auzia, instrukzio fasean. Zazpi egunean aukera aztertu ostean hartu dute erabakia bi udalek, eta Bilboko abokatuen bulego baten laguntza edukiko dute.

Albiste gehiago

Apirilaren 1ean eguneratua, 14:00etan. ©BERRIA

Koronabirusaren azken datuak

Berria

Euskal Herrian 9.358 gaixok eman dute positibo koronabirusaren proba eginda, administrazioen arabera. 501 hil dira. COVID-19 gaitza izandako 2.134 pertsonari eman diete alta. Grafikoak, albiste barruan.

Etxeetara elikagaiak eramateko taldeak antolatu dituzte Milanen. ©Matteo Corner / EFE

Izurriak 823.626 pertsona kutsatu eta 40.598 hil ditu munduan

Berria

Dagoeneko 501 pertsona hil ditu gaitzak. Hego Euskal Herrian 9.335 kasu diagnostikatu dituzte. Sindikatuek gutun bat bidali diote Denis Itxaso Madrilek EAEn duen ordezkariari, besteak beste zentralizazioa bertan behera uzteko eskatzeko, eta Maddalen Iriartek mahai bat eratu nahi du erabakiak hartzeko

1983ko abuztuan, Busturian, uholdeetan. ©BERRIA

Zer egin krisi bati aurre egiteko?

Enekoitz Esnaola

Jaurlaritzako eta Nafarroako lehendakariek, euskal gatazkako indarkeriaz gain, zenbait garai sozial gogor ere bizi izan dituzte 40 urteotan: uholdeak, sute eta istripu larriak, krisi ekonomikoak... Carlos Garaikoetxeak, Jose Antonio Ardanzak, Patxi Lopezek eta Uxue Barkosek lehendakari gisara bizi izan zituzten krisietan izandako esperientziak kontatu dizkiote BERRIAri. Garrantzia eman diote gertutasuna eta sentsibilitatea izateari, baita neurriak hartzeari ere.

Herrialdeka, Bizkaian aurkeztu dituzte dosier gehien. ©Marisol Ramirez / Foku

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna