Noiz sortua: 2016-02-14 00:30:00

Tren bat eri diren presoen alde

Sarek dinamika ibiltari bat abiatuko du larri gaixo diren 11 euskal presoak askatzea eskatzeko
Lorentxa Gimon eta eri diren beste euskal presoak askatzearen alde, 200 bat pertsona bildu ziren atzo Baionako suprefeturaren aitzinean.
Lorentxa Gimon eta eri diren beste euskal presoak askatzearen alde, 200 bat pertsona bildu ziren atzo Baionako suprefeturaren aitzinean. BOB EDME Tamaina handiagoan ikusi

Nora Arbelbide -

2016ko otsailak 14

Gaurko egunean 11 euskal preso larri gaixorik daudela gogoratu, eta, horiek askatzearen alde, Sarek Hartu Trena dinamika ibiltaria abiatuko du, «adostasunetik konpromisora» jauzi egitea eskatzeko tren batek irudikatuko duena: «Sare herritar honek, borondateak mugitzeko asmoz, tren bat jarri du martxan. Giza eskubideen errespetua abiapuntu hartuta, preso, iheslari eta deportatuen etxeratzearen geltokiraino», azaldu du. Horretarako, herri plataformekin ariko da Sare. Dela Iparra Galdu Baik, dela Txus Askatu, dela Gorka Fraileren askatasuna eskatuko duen Durangoko taldea.

Hilabetez hilabete aitzinatuko da tren sinbolikoa, eri diren euskal presoen sorterri batetik bestera: «Helburua da foku bat egotea hilero larriki gaixorik dauden preso hauen gainean. Sendagile txosten guztien arabera, kalean behar lukete preso hauek guztiek, eta, ez badaude, erabaki politiko batengatik da. Giza eskubideen kontrakoa da egun eta minutu bakoitza. Larriki urratzen ari dira giza eskubideak», nabarmendu zuen Joxe Mari Agirretxek. Errenterian (Gipuzkoa) iragarri zuten atzo egitasmoa, mahaiaren gibeletik, Agirretxez gain, Teresa Toda eta Aurkene Astibia mintzo zirela. Beren gibelean, hainbat lagun; tartean, Aitzol Gogorza gaixotasun larri eta sendaezina duen preso errenteriarraren gurasoak.

Lehen geltokia Errenteria dute, hain justu. Aitzol Gogorzaren euskal presoaren herria. Otsailaren 24tik 27ra lau eguneko egitaraua osatu dute Gogorzaren eritasuna den obsesio konpultsiboa oinarri. Jose Ramon Abetxuko, Garikoitz Arruarte, Gorka Fraile, Ibon Fernandez Iradi, Iñaki Etxeberria, Ibon Iparragirre, Jagoba Codo, Josetxo Arizkuren, Txus Martin eta Lorentxa Gimon dira larriki gaixorik diren beste presoak. Bederatzi sakabanatuak direla nabarmendu dute: «Etxetik ehunka kilometrora, beraien gaixotasunari aurre egiteko ezinbestekoa duten ingurune afektibotik urrun».

Kardiopatia, espondilitisa, miopia magnoa, esklerosia, obsesio konpultsiboa, hiesa, brakikardia sintomatikoa, eskizofrenia, Crohnen gaitza, mingainaren kartzinoma epidermoideoia. Horiek dira euskal presoen gaixotasunak. Espainiako eta Frantziako estatuen legeetan, gaixo larriak, gaixotasunak sendatzeko, baldintzapean aske geratzeko aukera badago, eta «egun larriki gaixo diren euskal presoak preso atxikitzen» dituztela salatu zuen Astibiak, «gaixotasuna edozein izanda ere». Adierazi zuen kasu gehienetan askatasuna ukatu eta baldintzapean aske uztearen aldeko epaiak daudenean fiskaltzak epai horien aurkako helegiteak egiten dituela espetxealdia luzatzeko: «Mendeku eta gorroto espetxe politika luzatzeko». Horren adibide izan dute Lorentxa Gimonen kasua. Atzo bertan 200 bat lagun bildu ziren Baionako suprefeturaren aitzinean, Lorentxa Gimon eta oro har eri diren euskal presoak askatzea eskatzeko, Bagoaz-ek deiturik.

Gimonen dei auzia, 25ean

Roazhongo (Bretainia) espetxean dute preso Gimon, eta Crohnen eritasuna du Angeluko (Lapurdi) presoak. Iazko martxoan egin zuen Gimonek baldintzapean aske geratzeko lehen eskaera, eta azaroaren 24an onartu zion Zigorren Ezartzeko Auzitegiko epaileak. Prokuradoreak, ordea, helegitea aurkeztu zuen deliberoaren kontra. Otsailaren 25ean emanen du Parisko Dei Auzitegiko epaileak hura erabakia. Arte horretan hiru aldiz erietxera eraman dute Gimon. Askatze erabakiaren alde asmoz egitasmo andana bat aldizkatuko dituzte. 20an Roazhon berean manifestatzera deitu dute. Autobusak antolatuko ditu Bagoaz-ek.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 26an eguneratua, 20:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, 11 positibo atzeman dituzte PCR probekin, eta lau gaixo ospitaleratu dituzte. Euskal Herrian 28.634 gaixok eman dute positibo guztira, koronabirusa atzemateko probaren bat eginda. Horietatik 2.027 hil dira. Grafikoak, albiste barruan.

Berra adinekoen egoitza. ©JON URBE / FOKU

Ekainaren 8tik egin ahalko dira bisitak Gipuzkoako zahar etxeetan

Berria

Egoiliar bakoitzeko senide bakarra joan ahal izango da bisitan, eta segurtasun neurriak zorroztuko dituzte. Gipuzkoako zahar etxeetan 167 pertsona hil dira izurria hasi zenetik; gaur egun 22 eri daude, bi egoitzatan.

Maiatzaren 11an igaro zen lehen fasera Hegoaldea ©Marisol Ramirez, Foku

Hegoaldea lehen fasera igaro izanaren arrazoiak eman ditu Espainiako Gobernuak

Ainhoa Larretxea Agirre

Espainiako Osasun Ministerioak zehaztu du egoera epidemiologiko «ona» izan dela Nafarroa pasatzeko arrazoia; Osakidetzak pazienteak artatzeko duen «gaitasun handia», berriz, Araba, Bizkaia eta Gipuzkoa igarotzekoa. Maiatzaren 11n aldatu zen lehen fasera Hegoaldea.

Txagorritxu ospitaleko laborategiko irudi bat. ©Gorka Rubio / Foku

Datuen peskizan (eguneko laburpena)

Pello Urzelai

Beste zazpi pertsona gehitu behar dira koronabirusarekin hildakoen zerrendara. Bost EAEn, bi Nafarroan. PCR bidezko 11 positibo berri agertu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna