Noiz sortua: 2019-12-03 00:30:00

Metalaren ituna paperean dago

Barne bozketak egin ondoren, LAB, CCOO eta UGT sindikatuek eta FVEM patronalak Bizkaiko metalgintzako lan hitzarmena berritzeko adostasuna berretsi dute. ELAk aurkako jarrerari eutsi dio
FVEM patronaleko eta sindikatuetako ordezkariak, atzo, Lan Harremanen Kontseiluak Bilbon duen bulegoan.
FVEM patronaleko eta sindikatuetako ordezkariak, atzo, Lan Harremanen Kontseiluak Bilbon duen bulegoan. LUIS JAUREGIALTZO / FOKU Tamaina handiagoan ikusi

Imanol Magro Eizmendi -

2019ko abenduak 3

Argazki historikoa zen, eta atzo egin ahal izan zen, Lan Harremanen Kontseiluak Bilboko erdi aldean duen bulegoan. FVEM Bizkaiko Metalgintzako enpresarien elkarteak, batetik, eta CCOO, LAB eta UGT sindikatuek, bestetik, Bizkaiko metalgintzako langileen baldintzak eguneratuko dituen lan hitzarmenaren oinarriak sinatu zituzten. Iragan astean adostu zuten akordiorako oinarria, baina euren kide eta ordezkariekin bozkatu behar zuten, eta guztiek berretsi dituzte, aho batez. Ondorioz, langileen ordezkarien %58,42ren aldeko bozekin berrituko da hitzarmena. Beste %41,58 ELAren delegatuei dagokie. Ez dute akordioa onartu, eta atzo delegatuekin eginiko bozketan, haiek euren ordezkarien jarrera berretsi zuten. ELAk gaur azalduko ditu bere arrazoiak.

Tramite burokratiko baten itxura izan zuen atzoko bilerak, baina ezinbestekoa zen lan hitzarmen berria idazten hasteko. «Txikikeriak» baino ez zituzten aldatu, Jose Mari Rojo UGTko ordezkariak azaldu zuenez. Ondo bidean, bi astean egongo da prest behin betiko bertsioa. 50 minutuko bilera egin zuten, eta, ELAren jarrera zein izango zen aurretik jakinda, ez zen ezustekorik egon. Amaieran poz aurpegiak ziren nagusi. Aurreko lan hitzarmena 2011n bukatu zenetik, 39. bilera zen atzokoa, eta aurrerantzean 48.000 gizonek eta 10.000 emakumek lan baldintza berriak izango dituzte.

FVEMeko ordezkariak altxatu ziren lehenbizi. «Akordio hau ez da merkea enpresarientzat, baina ia hiru urteko lasaitasuna izango dugu lan egiteko», azaldu zuen Alfonso Rey patronaleko kudeatzaileak. Lasaitasuna ere aipatu zuen Rojok, UGTko ordezkariak, baina xehetasuna egin zuen: «Lasaitasun teorikoa da, betiere akordioa betetzen bada. Hori espero dugu, baina ikusteko dago». Haren balorazioan, UGTko ordezkariak goratu zuen langile guztiek gutxieneko baldintza komun batzuk izango dituztela.

Iratxe Azkue LABeko ordezkariak «akordio historikotzat» jo zuen, «langileen borrokari» eta «hamar greba egunei» esker «hilda zegoen hitzarmen bat berreskuratu delako». Akordioa sinatzeko arrazoiak izendatu zituen: soldata igoera, subrogazioa, lan osasun hobekuntzak, berdintasun planak ezartzea... Eta «ultraaktibitatea». Zer da ultraaktibitatea? «Oso garrantzitsua da, beste lan itun bat sinatu arte enpresariek ezingo dute alde bakartasunez hau aldatu. Sindikatuen oniritzia behar dute edozein aldaketa egiteko». Luis Mouliaa CCOOko ordezkariak, berriz, berdintasun gaietako lorpenak goratu zituen, eta oso grafikoki deskribatu zuen subrogazioa mantenu langileei ere zabaldu izanaren garrantzia: «Ehunka langile beldurrez zeuden urte amaiera gertu dagoelako. Orain, berriz, lasai egon daitezke, badakitelako lanpostuari eutsiko diotela eta urtarrilaren 1ean lanean segituko dutela».

Negoziazio honekin Euskal Herriko lan gatazka zaharrenetako bat konpondu da, eta baliteke Bizkaiko mugetatik haratago eragina izatea. Sindikatu batzuetako ordezkariek aditzera eman zutenez, hitzarmen honek erraztu dezake Arabako metalgintzan ere ados jartzea. Egun etenda daude negoziazioak. Gipuzkoakorako ere oinarri bat ezar dezaketela uste dute.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 28an eguneratua, 18:00etan. ©BERRIA

Koronabirusaren azken datuak

Berria

Azkeneko 24 orduetan hiru pertsona hil dira COVID-19 gaitzaren eraginez, 23 positibo atzeman dituzte PCR probekin, eta sei gaixo ospitaleratu dituzte. Euskal Herrian 28.976 gaixok eman dute positibo guztira, koronabirusa atzemateko probaren bat eginda. Horietatik 2.037 hil dira. Grafikoak, albiste barruan.

Baionako ospitalea, artxiboko irudi batean. ©Guillaume Fauveau

Mugak irekitzeko eskariak ugaritu egin dira

Berria

Edouard Philippek aipatu du mugako kontrolak kentzeko aukera. Ekainaren 15etik aitzinera izanen litzateke. Iñigo Urkulluk eta Alain Roussetek eskari horixe egin dute; Urkullu Espainiako presidenteari zuzendu zaio, eta Rousset, Frantziakoari, gutun bidez. «Akitania Berria-Euskadi-Nafarroa Euroeskualdean mugaz gaindiko mugikortasuna errazteko» eskatu diete. Nafarroako Gobernuak ere bat egin du eskari horrekin.

Gipuzkoaren eta Lapurdiren arteko mugako saltokiak. Muga ekainaren 15ean zabaltzea «litekeena» dela esan du Edouard Philippe Frantziako lehen ministroak. ©Jon Urbe / Foku

Ipar Euskal Herria bigarren fasean sartuko da ekainaren 2tik aitzina

Oihana Teyseyre Koskarat

Ostatuak zabalduko dituzte, baina neurri zorrotzak errespetatzeko baldintzarekin. Hirugarren fasea ekainaren 22an hastea espero dute.

Irun eta Hendaia arteko muga, apirila erdian ©Guillaume Fauveau

«Mugaz gaindiko mugikortasuna zabaltzeko» eskatu dute Urkulluk eta Roussetek

Berria

Gutun bat bidali dio Iñigo Urkullu EAEko lehendakariak Espainiako Gobernuko presidenteari, «Akitania Berria-Euskadi-Nafarroa Euroeskualdean mugaz gaindiko mugikortasuna zabaltzeko». Gutun beraren kopia helarazi dio Alain Rousset Akitania Berriko presidenteak Edouard Philippe Frantziako Gobernuko lehen ministroari.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna