Hormako etorkizuna bermatua dago

Euskal Herriko eskalatzaileek emaitza onak lortu dituzte Espainiako Eskalada Txapelketan, Berriobeitin. Mikel Linazisorok irabazi egin du overall diziplinan, eta Bittor Esparta hirugarren izan da. Gaztetxo asko nabarmendu dira.

Unai Ugartemendia -

2019ko azaroak 5

Mikel Linazisoro, Ainhize Belar, Iker Karrera, Unax Uterga, Martzel Vicario, Eneko Carretero, Bittor Esparta, Unax Uterga, Oihana Ruiz, Haizea Oses... Espainiako Eskalada Txapelketan nabarmendu diren Euskal Herriko eskalatzaile gazteak dira.

Iragan asteazkenean hasi, eta bost egunez jokatu zen lehiaketa, Rocopoliseko horman (Berriobeiti, Nafarroa). Ohiko txapelketez gain, iaz bezala, aurten ere Olinpiar Jokoetan jokatuko den formatuan, overall deiturikoan, lehiatu ziren eskalatzaileak. Eskalatzaileek hiru diziplinatan lehiatzen dute —abiadura, boulderra eta zailtasuna—, eta hiruretan erregularrenak irabazten du. Mikel Linazisoro bergararrak lortu zuen txapela, eta Bittor Esparta bilbotarra izan zen hirugarren.

Linazisoro Munduko Kopako azken proban lehiatzen aritu zen iragan astean Espainiako selekzioarekin, Japonian, eta kostatu egin zitzaion lehen egunetan bere burua Rocopoliseko horman kokatzea. Sailkatze faseak erraz gainditu eta gero, podiumean sartu zen jokatutako lau finaletik hirutan: abiaduran eta zailtasunean hirugarren, eta overall-eko azken finalean garaile.

Bittor Espartak ere txapelketa bikaina egin du. Eutsi egin dio Espainiako Kopan zailtasuneko diziplinan erakutsi zuen mailari. Bigarren postua lortu zuen zailtasuneko finalean, eta horrek overall-eko finala jokatzeko aukera eman zion. Senior mailako sei eskalatzailerik onenen artean hirugarrena izan zen.

Eneko Carreterok diziplina bakarrean jokatu zuen txapelketa. Azken hilabeteetako motibazio faltaren eraginez, bere burua boulderrean bakarrik neurtu zuen gainerako eskalatzaileekin. Eta ez zuen hutsik egin. Sailkatze fasean oso ibilbide erregularra izan zuen, eta finalean onena emateko gai izan zen. Aurretik Alberto Gines bakarrik izan zuen.

Alberto Gines izan da 2019ko txapelketek utzi duten izen propio nagusietako bat. Eskalatzaile espainiarra Munduko Kopako zailtasun probako txapeldunorde izan berri da Japonian, Hiroto Shimizu japoniarraren atzetik. Europako eta Munduko Kopako sailkapen orokorrean ere bigarren postuan amaitu du denboraldia. Etorkizun oparoa du, eta hala erakutsi zuen Berriobeitin: hiru domina eskuratu ditu denera, bi urre —boulderrean eta zailtasunean— eta zilar bat —overall-en—. Dagoeneko sailkatu da 2020ko Tokioko Olinpiar Jokoetarako kanporaketa aurrekoa jokatzeko. Tolosako (Okzitania) proban erabakiko da Tokion egongo den ala ez.

Abiadura markak

Ostiralean abiaduraren eguna izan zen Rocopoliseko hamabost metroko horman. Eskalatzaile bat gailendu zen: Madrilen bizi den Erik Noya venezuelarra. Munduko abiadura eskalatzailerik onenetakoa da, eta hala erakutsi zuen Berriobeitin: Espainiako marka berria lortu zuen Mikel Linazisororen aurkako finalerdian: 6 segundo eta 28 ehunen. Linazisoro hirugarren izan zen azkenean.

Emakumeetan ere marka berria ezarri zuten; nork, eta Maria Labordak, Aragoiko 15 urteko gazteak, haurren mailako munduko txapeldunak. Denbora: 10.43. Aipatzekoa da 18 urtetik azpikoetan lehen hirurak euskal herritarrak izan zirela: Iker Karrera, Unax Uterga eta Martzel Vicario, hurrenez hurren.

Ez dira nabarmendu diren eskalatzaile gazte bakarrak: Ainhize Belar atxondarrak bi domina lortu zituen 14 urtez azpikoetan, boulderrean eta zailtasunean; Vicario arrasatearrak, 18 urtez azpikoetan, brontzezko bi domina lortu zituen, abiaduran eta zailtasunean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Albiste gehiago

Bartzelonako jokalariak, Ansu Fatik sartutako gol bat ospatzen. Aurrelaria taldeko egungo izarretako bat da. ©ALBERTO ESTEVEZ / EFE

Errautsa izan, eta piztu

Eñaut Agirrebengoa

Bartzelonak aro berri bati ekin dio, Ronald Koemanek gidatuta. Egokitzen ari da oraindik, baina kimu berriak hasiak dira. Alavesi egingo dio bisita gaur.

Athletic eta Sevillaren arteko neurketa, iaz. ©Luis Tejido / EFE

Asmatu ezean, jai dago

Haritz Gallastegi

Athleticek Sevillaren aurka jokatuko du gaur San Mamesen. Garitanok nabarmendu du «arduratuta» daudela, baina ez dutela antsietaterik

Nahikari jokatzeko moduan da zortzi hilabeteren ostean. ©REALA

Egutegia estutu egingo da gaurtik Reala, Athletic eta Eibarrentzat

Ainara Arratibel Gascon

Bi astean bost neurketa izango dituzte. Gaur jokatu dute hirurek asteburuko partida, etxetik kanpo ariko dira denak

 ©BERA BERA

«Partidaren erritmoa ezartzen duenak asko izango du irabazia»

Ainara Arratibel Gascon

2016-2017ko sasoitik, ligako golegile nagusia da Sara Gil, ia 600 gol sartuta. Haren golak erabakigarriak izan daitezke gaur, Bera Berak Malagaren kontra jokatu duen Espainiako Superkopako finalean (18:00, Tdp).

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna