Noiz sortua: 2019-03-23 00:30:00

Segurtasuna ardatz

Gipuzkoa Encounterrek errealitate birtuala eta segurtasun informatikoa landuko ditu. Seiehun parte hartzaile bilduko dira Tolosan bihar arte
Informatikarekin lotutako hainbat jarduera izango dira asteburuan Tolosan.
Informatikarekin lotutako hainbat jarduera izango dira asteburuan Tolosan. BERRIA Tamaina handiagoan ikusi

Nagore Rodriguez -

2019ko martxoak 23
Aurtengo Gipuzkoa Encounterrek bi segundo baino ez ditu behar izan jaialdiko plaza guztiak betetzeko. Informatikazaleen topaketak laurehun ordenagailu postu eta seiehun parte hartzaile bilduko ditu, asteburu honetan, Tolosako Usabal kiroldegian (Gipuzkoa).

Aurtengo topaketak segurtasun informatikoa eta errealitate birtuala izango ditu gai. Igandera bitarte egingo da Euskaltel Konekta fundazioak antolatutako jaialdia. Hamahirugarren aldia du aurten.

Tailerrak, solasaldiak, lehiaketak eta beste izango dira. Solasaldietan, adituek aholkuak emango dituzte teknologia berriak erabiltzean prebentzio eta segurtasun neurriak hartzeko, ordenagailuetan eta sakelako telefonoetan sor daitezkeen arazoak saihesteko. Gainera, errealitate birtualaz gozatzeko aukera ere izango dute parte hartzaileek.

Segurtasunaz gain, bestelako gaiak ere landuko dituzte hitzaldietan; hala nola robotikarekin, programazioarekin eta datuen analisiarekin lotutako gaiak.

Opengune espazioan, jokoen eremua, 3D inprimagailuak, errealitate birtuala, hardwareak eta marka teknologikoen mahaiak jarriko dituzte. Mahai horietako bat Thermaltake enpresarena izango da. Elikatze iturrien diseinuan eta fabrikazioan, hozte sistemetan eta prestazio altuko kaxetan espezializatua dago. Gipuzkoa Encounterren jarriko duen mahaian, bisitariek Mod Vodka ezagutu ahal izango dute: eraldatua dagoen ordenagailu bat. Gainera, hozte likidoari buruzko ikastaroa emango dute.

Opengune, zabalik

Opengunera edozein sartu ahal izango da. Aurreko urteetan, ehunka lagun bildu izan dira gune horretan. Aurten, Interneteko segurtasuna denez gai nagusia, jende asko espero dute. Parte hartzaileek erreserbatuta daukaten gunearen ondoan dago.

Tailerretan, bestalde, arte digitalarekin, programazioarekin, bideo jokoekin, software librearekin eta hardwarearekin lotutako gaiak landuko dituzte.

Tolosako Goi Formakuntza Profesionaleko Tolosaldea institutuko lau ikaslek ere parte hartuko dute informatika topaketan: errendimendu handiko sareek nola funtzionatzen duten ikasi, eta institutuan ikasitakoa testuinguru erreal batean aplikatuko dute.

Tolosan bilduko diren parte hartzaileek abiadura azkarra izango dute egun horietan, Euskaltelek ezarriko duen sare informatikoari esker. Hain zuzen ere, segundoko 10 gigako Internet konexioa egongo da, etxeetan egoten dena baino askoz azkarragoa. Hori baliatuko dute bideo jokoetan, tailerretan eta bestelakoetan parte hartzeko.

Parte hartzaile askok Tolosan bertan pasatuko dute gaua; horretarako, literak jarri dituzte Laskorain ikastolan.

Gipuzkoa Encounter

Gaur eta bihar, Tolosako Usabal kiroldegian (Gipuzkoa).

Albiste gehiago

Apirilaren 2an eguneratua, 13:00etan. ©BERRIA

Koronabirusaren azken datuak

Berria

Euskal Herrian 10.022 gaixok eman dute positibo koronabirusaren proba eginda. 555 hil dira. COVID-19 gaitza izandako 2.459 pertsonari eman diete alta. Grafikoak, albiste barruan.

Gizon bat, Zagreben. ©ANTONIO BAT / EFE

Sakelakoen kokapena jasoko du Madrilek

Berria

Telefonica, Orange eta Vodafone konpainiek euren sareak erabiltzen dituzten sakelakoak non dauden kontrolatuko dute, eta informazioa Madrilgo Gobernuari emango diote. Koronabirusaren aurkako borrokan, populazioaren inguruko mugimenduei buruzko datuak biltzea da asmoa, Madrilen arabera, eta, gaineratu duenez, ikerketak ez ditu “gizabanakoen mugimenduak atzemango”, baizik datu “anonimoak eta multzoka”.

Murga, Urkullu eta Beltran de Heredia, diputazio iraunkorrean telematikoki azalpenak ematen. ©/ Irekia

Oposizioak «gardentasun falta» egotzi dio Urkulluri

Irati Urdalleta Lete

Iñigo Urkullu Jaurlaritzako lehendakariak azalpenak eman ditu Eusko Legebiltzarreko diputazio iraunkorreko bilkuran, EH Bilduk hala eskatuta. Argudiatu du «osasun arduradunen ezagutzan eta unean-unean jasotako informazioan oinarrituta» jokatu dutela.

Donostiako ospitaleko langile batzuk, mobilizazio batean ©Jon Urbe (Foku)

Osasuna bermatzen ez duten enpresak, fiskaltzara

Jokin Sagarzazu

LABek langileen kexak igorriko dizkio, zigor instrukzioko prozesuak ireki ditzala eskatzeko. Ohartarazi du oinarrizko zerbitzu batzuk «kolapsoan» daudela. ELAk, berriz, materiala bermatzeko eskatu dio EAEko Auzitegi Nagusiari.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna