Albistea entzun

HILBERRIA. David Sassoli

Europa sendo bat helburu zuen buruzagia

JULIEN WARNARD / EFE Tamaina handiagoan ikusi

Arantxa Elizegi Egilegor -

2022ko urtarrilak 12

«Gure erronka da jendea eta ingurumena babesten dituen mundu berri bat eraikitzea, eta, irabaziak ez ezik, guztien ongizatea ere bilatuko duen ekonomia bat bultzatuko duena», esan zuen Europako Parlamentuko presidente David Sassolik bere azken agerraldi ofizialean. Abenduaren 23an izan zen hori. Hiru egun geroago, Italiako Aviano erietxera eraman zuten 65 urteko buruzagi sozialdemokrata, immunitate sistemako arazoengatik. Haren bozeramaileak atzo goizaldean eman zuen heriotzaren berri.

2019tik zuzentzen zuen Sassolik Europako Parlamentua, eta datorren asteartean zuen amaitzekoa agintaldia —ez zuen hurrengo legealdirako hautagaitzarik aurkeztu—. Duela hiru urteko uztailean, kargurako aukeratu zutenean, Sassoliren izena ez zegoen hautagaien artean. Hauteskundeen ostean, estatuburu eta gobernuburuek adostu zuten kargua sozialdemokrata batentzat izango zela, baina Europa ekialdeko batentzat, Bulgariako Sergei Stanixeventzat. Baina parlamentuko kideak ez ziren bat etorri erabakiarekin, eta kazetari italiarra aukeratu zuten kargurako. Sassoli bera ez zen berria parlamentuko lanetan; izan ere, presidenteorde karguan aritua zen aurreko legealdian.

Auzi askori egin behar izan die aurre politikari italiarrak bere agintaldian: besteak beste, Kataluniako eurodiputatuen kargugabetzeak eragindako krisiari. Aldi hartan kritika gogorrak jaso zituen Sassolik, Espainiako Hauteskunde Batzordeari jarraikiz, Oriol Junquerasi eurodiputatu kargua aitortu arren, haren eserlekua hutsik uztea erabaki zuenean.

Politikari italiarraren heriotzak erreakzio katea eragin zuen atzo Bruselan. Europar Kontseiluko presidente Charles Michel atsekabetuta agertu da politikariaren heriotzarengatik. Europako Batzordeko buru Ursula von der Leyenek berak egin bezala, haren «eskuzabaltasuna eta irribarrea» nabarmendu ditu Michelek ere. Haren «europazaletasuna» ere goraipatu zuten parlamentuko kideek.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Jordi Turull JxCko idazkari nagusia, atzo arratsaldean egindako prentsaurrekoan. ©TONI ALBIR / EFE

JxCk salatu du ERCk ez duela ados jartzeko «inolako borondaterik»

Mikel Elkoroberezibar Beloki

«JxCk Kataluniako Gobernuan jarrai dezan nahi duzu?», galdetuko die buruzagitzak militanteei ostegunean eta ostiralean egingo duten kontsultan. ERC prest dago «bakarka» gobernatzeko
Gizon bat Mariupolen (Ukraina), suntsituriko auto batzuei begira. ©EPA / EFE

Errusiak ez du kontrol osorik anexionatu duen eskualde bakar batean ere

Mikel O. Iribar

Ukrainako indarrek Khersongo zenbait eremu «askatu» dituzte, Zelenskiren esanetan. Moskuk aitortu du ez duela argi zer muga zehatz dituzten bere lurraldearen parte egin dituen eremuek

Aminiren familiak salatu du oraindik ez duela ikusi heriotzaren espedientea

Maddi Iztueta Olano

Irango agintarien «erantzunik eza» kritikatu du familiak: «Inork ez digu erantzun argirik ematen»
Errusiako bandera, Errusiako Behe Ganbera eraikinaren gainean, Moskun. ©YURI KOCHETKOV / EFE

Errusiako Behe Ganberak berretsi egin ditu Ukrainan okupatutako lurrak anexionatzeko itunak

Mikel O. Iribar

Kremlinek onartu du ez duela argi zein diren anexionatutako lurren mugak. Errusiera izango da hizkuntza ofiziala, eta errubloa dibisa nazionala, 2023tik aurrera. Zelenskik esan du Ukrainako armadak eremu gehiago «askatu» dituela herrialdearen ekialdean eta hegoaldean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...