Albistea entzun

Ekaitz tropikal batek 180 hildako baino gehiago eragin ditu Filipinetan

'Tembin' tifoiak uholdeak eta luiziak eragin ditu Mindanao uhartean. Dozenaka desagertu daude
Hondoratutako ontzi bateko bidaiariak lurreratzen, Infantan, Quezonen.
Hondoratutako ontzi bateko bidaiariak lurreratzen, Infantan, Quezonen. FRANCIS R. MALASIG / EFE Tamaina handiagoan ikusi

Erredakzioa -

2017ko abenduak 24

Tembin ekaitz tropikalak panorama beltza ekarri du Filipinetara. Tifoiak uholdeak eta luiziak eragin ditu, itzelak gainera, eta gutxienez 180 lagun hil dira horien ondorioz. Beste dozenaka pertsona desagertuta daude. Mindanao uhartearen ipar-mendebaldea bete-betean hartu zuen ekaitz tropikalak herenegun gauerdian; bereziki hiru eskualdetan hartu zuen indarra: Iparraldeko Lanao, Iparraldeko Zamboanga eta Hegoaldeko Lanao.

Mindanao uhartediko irla handietan bigarrena da, eta milaka lagun aterarazi behar izan dituzte euren etxetik. Tubod, Piagapo, Salug Sibuco dira hiri kaltetuenak. Hango etxe ugari harkaitzen azpian lurperatuta geratu dira. Dalama herriko lekukotzak ere latzak dira. «Erreskate taldeak bidali ditugu, baina apenas egin dezaketen aurrera harkaitzengatik».

Tifoia Palawan uharterako bidean zen bart, eta han ere euriteak eta orduko 80 kilometroko haizeteak eragitea aurreikusi zuten meteorologoek.

Urtero hogei tifoi

Filipinak uhartedian oso ohikoak dira ekaitz tropikalak; urtero hamabost eta hogei tifoi artean jasaten dituzte, bereziki maiatz eta ekainetik azaro eta abendura bitartean.

Tembin Kai-Tak izeneko ekaitza zona astindu eta bi egunera iritsi da, hain zuzen. Kai-Tak-ek 41 hildako eta 45 desagertu eragin zituen uhartediaren erdialdean.

Haiyan izan da azken urteetako ekaitz tropikal handiena. 2013ko azaroan astindu zuen herrialdea, orduko 315 kilometroko haizeteak sortuz eta sekulako hondamendia eraginez: 6.300 lagun hil ziren orduko hartan, mila bat desagertu ziren, eta hamalau milioi kaltetu.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Irango emakumeen aldeko protesta bat, Istanbulen (Turkia), larunbatean. ©ERDEM SAHIN / EFE

Iranek ez dio lagunduko NBEri protestetako errepresioa ikertzen

Maddi Iztueta Olano

NBEk misio bat sortu du Mahsa Aminiren aldeko mobilizazioetako errepresioa ikertzeko. Protestetan 300 lagunetik gora hil dituzte
Mauna Loa sumendia ©@USGSVolcanoes

Hawaiiko Mauna Loa piztu da, munduko sumendi aktiborik handiena

Julen Otaegi Leonet

Duela ia 40 urte piztu zen azkenekoz. Oraingoz, sumendiak ez ditu «mehatxatu» inguruko herriak.

Gerald Darmanin Frantziak Barne eta Itsasoz Haraindiko ministroa —irudiaren erdian—, gaur, Noumean, bilkura batean ©@GDarmanin

Darmaninek «elkarrizketei berriz ekitea» jarri du helburutzat Kaledonia Berrian

Ander Perez Zala

Urtebetean baino gehiagoan lehen aldiz, independentistek baiezkoa eman diote negoziazioetan parte hartzeari.

Zero COVID neurrien aurkako manifestariak, bart, Pekinen. ©MARK R. CRISTINO / EFE

Milaka lagun kalera irten dira Txinan, Zero COVID politiken aurkako protestetan

Paulo Ostolaza

Herrialdeko hiri nagusietan izan dira protestak, tartean, Pekin hiriburuan. Urumqi hiriko sute batean hamar lagun hil izanak leherrarazi ditu manifestazioak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.