PASCALEN ESFERATIK

Grazietako bat

Xabier Amuriza -

2020ko otsailak 15

Ez dago eskulturarik, edozein zuhaitzen edertasunera hurbiltzen denik. Bekaitz dut ausardia inozente hori, dioena ezen urliak, zerbait egiteko (poesia, kasu), beste era bat dakarrela. Izandako era guztiak ezagun balitu bezala. Edertasuna da zerbaiti begiratzea azken aldia bailitzan. Poesia dabil ezinezkoaren exaltaziotik inexistentearen gutiziara. Hori arte ona al da? Zergatik ez? Nik ez dakit azaltzen nola idazten den ondo. Bakarrik dakit ondo idazten. Omisioa testua bezain garrantzitsua da. Baina ez dakit hori ere ondoegi dakidan.

Vivaldi, Mozart, Beethoven, Lizt, Verdi, Berlioz, Aita Donostia, Stravinsky, Guridi, Grieg, Arriaga... Entzuten eta identifikatzen ditut. Ez naiz gauza, ordea, diferentzia azaltzeko. Edo banaiz, baina irakurlea ez da gauza izango pertsonaia identifikatzeko nire azalpen on eta konpetenteetatik. Madame Bovary banekus, ez nuke ezagutuko. Ez zen, ba, Flaubert gutxi eta nolanahi saiatu hura deskribatzen!

Ezagutzen ditudan pertsonak, antz-antzekoak izan arren, argi eta bereiz identifikatzen ditut, erabat ezberdinak bailiran. Baina ez dakit diferentziak azaltzen. Edo badakit, baina irakurleak, nire azalpen zehatzetatik, ezingo ditu irudikatu. Irudikatuko duena da bere irudimenak damaiona. Orduan zertarako balio dute hitzek? Susmoa dut hitzek hitz egiteko bakarrik balio dutela. Onenean, engainu bat sortzeko. Bukatzen dena ez da zeresana, hitz egiteko gogoa baizik.

Norbaitek, dagoeneko, utzia du zutabea. Ez naiz harritzen. Orain askeago jarrai dezaket. Guztiz aske, neu bakarrik geratzea lortzen dudanean. Orduantxe hasten da nire une kritikoa. Zapuzten bainau nire burua ados egoteko moduko gauzak esateak. Nire burua desados egoteko moduko gauzak esatean, berriz, derrotaturik sentitzen naiz. Ez, ez! Ez da behar psikologorik. Adimenaren grazietako bat da.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Pertsona bat terraza batean eserita, Bilbon. ©Aritz Loiola / FOKU

Kasuek nabarmen egin dute gora Hegoaldean: 932 positibo

Amaia Ramirez de Okariz Kortabarria

Guztira, 12.746 PCR proba egin dira, eta egindako proba guztien %7,31k eman dute positibo. Nafarroan bi pertsona hil dira azken orduetan, eta Bizkaiko zahar etxeetan hiru egoiliar.

Osakidetzako protesta, atzo, Donostiako Amara Berriko osasun zentroaren aitzinean. ©GORKA RUBIO / FOKU

Osakidetzako «sakoneko arazoei» heltzeko eskatu dute sindikatuek

Maddi Ane Txoperena Iribarren

Protestak egin dituzte lehen arretako zentroetan. Langile gehiago eskatu dituzte, eta murrizketetan «galdutakoa berreskuratzea». Osasun Sailak dio «benetako konpromisoa» duela «sendotzeko»

Ikasgela huts bat Hernanin, artxiboko irudi batean. ©JON URBE / FOKU

Gero eta ikasle gehiago daude bakartuta ikastetxeetako kasuengatik

Uxue Rey Gorraiz

Jaurlaritzak esan du 80 ikasgela gehiago itxi dituela; ia 300 daude itxita Hegoaldean. Nafarroak laguntza emozionala emanen die ikasleei

Musukoek begiak estaltzen dituzten garai hauek

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna