Genesis P-Orridge

Transgresioa ardatz

Throbbing Gristle taldearekin lehendabizi eta Psychic TVrekin ondoren, Genesis P-Orridgek musika industrialaren zutabeak jarri zituen. Haren ekarpena musikaz haragokoa izan zen.
BERRIA Tamaina handiagoan ikusi

Mikel Lizarralde -

2020ko martxoak 17

Leuzemia diagnostikatu zioten orain hiru urte, eta haren ondorioz hil zen, herenegun, Genesis P-Orridge (Manchester, Ingalaterra, 1950). Throbbing Gristle musika industrialaren talde aitzindariaren parte izan zen 1970eko hamarkadan, eta, proiektu esperimental eta probokatzaile hura amaitu ostean, Psychic TV egitasmo ez hain bortitz baina halere esperimental eta arriskatua jarri zuen abian.

Genesis P-Orridgek bizitza bera ulertzen zuen esperimentu gisa, eta ikuspuntu hori sormenera eta bere bizitzara eraman zuen. Hala, 1993an, Jaqueline Breyer artista ezagutu zuen —Lady Jaye izenarekin arituko zena—, eta genero trantsizioari lotutako Pandroginia proiektua jarri zuten martxan. Bikoteak adostu zuen bakoitzaren gorputzean hainbat aldaketa egitea, prozesuaren amaieran bikiak izan zitezen. Hain zuzen ere, biek izen bera hartu zuten (Breyer P-Orridge) eta bakoitzaren indibidualismoaren aurretik bikotearen izaera indartu nahi izan zuten.

Neil Andrew Megson izenarekin jaio zen Genesis P-Orridge, eta ibilbide artistikoa COUM Transmissions proiektuaren barruan (1969-1976) hasi zuen. Ordurako, izen berria erabiltzen zuen —1971n legezko bihurtu zuen—, eta William Burroughs idazlearen eragina aitortzen zuen. COUM Transmissions taldeak performance artistiko eta musikalak egiten zituen, eta hainbat erreferente eta erreferentzia zituen: Tristan Tzara, Beatnik mugimendua, pornografia... Taldeak, gainera, uko egiten zien gizarteak ezarritako arauei, eta garaian polemika handia eragin zuten ekintzak egin zituen.

Proiektu hartatik eratorri zen Throbbing Gristle (1976-1981) musika industrialaren eta zarata-rockaren talde aitzindaritzat jotzen dena. Hainbat diskotan ez ezik, zuzeneko emanaldi-performanceetan ere islatu zuten beren ikuspegia Genesis P-Orridgek eta haren kideek (Peter Christopherson, Cosey Fanni Tutti eta Chris Carter). Elementu pornografikoak eta nazismoaren erreferentziak erabiltzen zituzten, eta horrek berak iskanbila handia eragin zuen. Taldeak, halere, beti defendatu zuen bere helburua zela giza kondizioaren alderdi ilun eta obsesiboetan arakatzea, eta ez horrenbeste musika atsegina egitea.

Throbbing Gristleren bidea amaituta, 1982an bere proiektu propioari ekin zion Genesis P-Orridgek. Psychic TV izena jarri zion, eta elektronika esperimentala eta pasarte goxo eta ia onirikoak uztartzeko baliatu zuen.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Abel Paul, orain hamar egun Artiatx lantegian emandako kontzertuan. Orain, obraren erakusketa bertsioa bisita daiteke urtarrilaren 31ra bitarte. ©ARITZ LOIOLA / FOKU

Eraikina, erresonantzia kutxa

Amaia Igartua Aristondo

Abel Paulen 'Insula/ Insulae (Eea... null... Zorrotzaurre)' obra Bilboko Artiatx lantegian egongo da, urtarrilaren 31 bitarte. Eraikina musika tresna bat balitz bezala erabiltzen du artelanak

Carme Pinos arkitekto kataluniarra, artxiboko argazkian. ©ERICK / EFE

Carme Pinosi erreparatuko dio Mugak arkitektura biurtekoak

Berria

Azaroan egingo dute biurtekoaren hirugarren aldia. Bilbon, Donostian eta Gasteizen izango dira ekitaldiak.
June Cresporen lanetako bat, Artiumeko <em>Helmets</em> erakusketan. ©RAUL BOGAJO / FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna