Euskarak arta behar du Tolosan, salatu dutenez

Euskarazko osasun arreta ez dago bermatuta Tolosaldean (Gipuzkoa). Uemak emandako datuek azaleratu dute, eta Galtzaundi euskara taldeak egin du salaketa. Osasun arloko lanpostuen %74k hizkuntza eskakizuna bete beharko lukete Tolosaldean, duen egoera soziolingustikoarengatik. Gaur egun %60an dago, baina eskualdeko klinika bakarrean, Asuncionen, medikuen %16,5ek baino ez dute egiaztatua hizkuntza eskakizuna. Eusko Jaurlaritzari eta Asuncion Klinikari eskatu diete «berehala esku hartzeko», eta Osakidetzan martxan dagoen Euskararen Erabilera Normalizatzeko Plana indarrean jartzeko.