Euskara ikasteko deia, «ahalduntzeko» bidea delako

Euskaltegietako matrikulazio garaia zabalik dagoela, euskara ikasteko deia zabaldu dute Arabako, Bizkaiko eta Gipuzkoako erakundeek, euskaltegi sareekin elkarlanean. Kanpaina bat jarri dute martxan, lelo honekin: Euskararekin gehiago ahalko duzu. Nabarmendu dute euskara ikastea «ahalduntzeko» bide bat dela: «Euskara ikasiz, ikusezina zen mundu bat ikusgai bilakatzen da». Bingen Zupiria Eusko Jaurlaritzako Hizkuntza Politikako sailburuak ohartarazi du euskara ikastea «elkarbizitzarako» ekarpena dela. Irudian, erakundeetako eta euskaltegietako ordezkariak, atzo.