Frantziako Poliziak errefuxiatuen kanpaleku bat hustu du Parisen

Frantziako Polizia errefuxiatuen kanpaleu bat husten, herenegun, Parisen.
Frantziako Polizia errefuxiatuen kanpaleu bat husten, herenegun, Parisen. CHRISTOPHE PETIT TESSON / EFE Tamaina handiagoan ikusi

Jone Bastida Alzuru -

2020ko azaroak 25

Frantziako Poliziak ehunka errefuxiatu zeuden kanpaleku inprobisatu bat hustu zuen herenegun gauean Parisko erdigunean, Errepublika plazan. Hainbat erakundek ostatuak eta «benetako harrera sistema» bat martxan jartzeko eskatu zioten gobernuari. Poliziaren operazioak tentsioa sortu zuen, eta agenteen aurkako manifestazio bat ere egin zuten, haiek baliatutako bortizkeria salatzeko. Gerald Darmanin Frantziako Barne ministroak Poliziak izandako jarrera ikertzeko eskatu zuen. Zabaldutako irudiek sumina eragin dute, eta atzo arratsalderako ere protestarako deia egin zuten errefuxiatuen eskubideen aldeko eragileek. Operazioan migratzaileen aurka jo zuen Poliziak, eta 500 denda inguruko gunea husteko negar gasa erabili zuten. Kazetariei ere eraso egin zien, protestako irudiak grabatzen ari zirela.

«Legez kanpoko migratzaileen kanpalekuko sakabanaketaren irudi batzuk harrigarriak dira. Gertakarien inguruko txosten bat eskatu dut», adierazi zuen ebakuazioa egin eta berehala Darmaninek. Atzo Polizia prefeturak txostena entregatutakoan, jakinarazi zuen agenteen esku hartzea ikertzeko eskatu diola IGPN Frantziako Poliziaren Ikuskaritza Nagusiari; 48 orduko epea eman zion. Barne ministroaren arabera, jazoera batzuk «onartezinak» dira.

Anne Hidalgo Parisko alkate sozialistak adierazi zuen ezin dela ebakuazio bat abiatu «aurretiko diagnostiko sozialik gabe eta kalteberez arduratu gabe». Poliziaren jarrera gaitzetsi zuen. Amnesty International erakundeak ere kritikatu egin zuen agenteen esku hartzea.

Duela astebete egindako operazioaren ondorio izan zen herenegun Errepublika plazan eraikitako migratzaileen kanpalekua. Frantziako Poliziak ehunka migratzaile bizi ziren kanpalekutik aterarazteko operazio bat egin zuen orduan Paris inguruan, Stade de France futbol zelaitik gertu. Sena-Saint-Denisko prefeturaren arabera, 2.800 lagun inguru atera zituzten, eta, hain justu, horko kideetako hainbat ziren herenegun bildutakoak.

Salatu zuten ebakuazioaren ondoren ez zietela irtenbiderik eskaini, ezta aldi baterako ostaturik ere. «Ezin zaio miseriari matrakekin erantzun. Kalean geratu diren Saint-Denisko kanpalekuko migratzaileei babesa ematea premiazko da, ezinbestekoa eta eztabaidaezina», adierazi zuen France Terre d'Asile erakundeko zuzendari Delphine Rouilleaultek.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Meritxell Budo Generalitateko bozeramailea eta Pere Aragones Kataluniako jarduneko presidenteordea, atzo, herenegun, gobernu bilerara iristen. ©Ruben Moreo, EFE

Kataluniako Auzitegi Nagusiak kanpaina beterako utziko du bozen eguna finkatzeko erabakia

Gorka Berasategi Otamendi

Epaimahaiak behin-behinean mantenduko du otsailaren 14ko hauteskunde deialdia. Kataluniako Gobernuak gaur goizean aurkeztu ditu bozak atzeratzearen aldeko alegazioak.

Bernat Sole Kataluniako Atzerri kontseilaria, Kataluniako Auzitegi Nagusira sartzen, iazko uztailaren 10ean. ©Marta Perez, EFE

Kataluniako Atzerri kontseilaria inhabilitatu du herrialdeko Auzitegi Nagusiak

Gorka Berasategi Otamendi

Bernat Sole desobedientziagatik zigortu du, Agramunt herriko alkate zenean 2017ko independentzia erreferenduma egiten laguntzeagatik.

Jon Bidenen kargu hartzea

Hasi da Bidenen legealdia

Arantxa Elizegi Egilegor

«Demokraziak irabazi» duela nabarmendu eta batasunerako deia egin du Bidenek. Trumpek ez du parte hartu, baina beste hainbat estatuburu ohi izan dira ekitaldian

Manifestari talde bat iragan maiatzean, Floridan, atxilotze zentro baten aurka protesta egiten. ©CRISTOBAL HERRERA / EFE

Trumpen aroa hausteko dekretuak

Ander Perez Zala

Pandemiari, klima larrialdiari eta migrazio politikei buruzkoak dira Bidenek AEBetako presidente gisa hartu dituen lehen neurrietako batzuk; norabide aldaketa bat iradokitzen dute herrialdearentzat.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.