Appleri boikota egiteko eskatu du Erdoganek

Berria -

2018ko abuztuak 15
Giro ekonomiko nahasia AEBekin duen gatazkarekin lotu nahi du Recep Tayyip Erdogan presidenteak, haren iritziz «atzerriko konplot» baten ondorio baita lira turkiarraren amiltzea, eta ez Turkiako ekonomiaren desoreken ondorio. Washingtonekiko gatazkan boikotaren frontea ireki zuen atzo buruzagi islamistak. Turkiarrei eskatu zien ez erosteko AEBetako produktu elektronikorik. «Haiek iPhone dute, baina beste aldean Samsung dago. Turkian, gainera, Vestel Venus telefonoak ditugu».

Donald Trumpen gobernua Erdogan estutzen ari da Andrew Brunson apaiz ebanjelista aska dezan —2016ko estatu kolpea sustatzea egotzi dio—. Erdoganek askatzeari uko egin dionez, haren gobernuko bi kideren aurkako zigor ekonomikoak indarrean jarri ditu Trumpek, eta muga zergak handitu dizkie Turkiako altzairu eta aluminio inportazioei.

AEBekiko xextra amaitzeko eta liraren debaluazioa geratzeko neurriak hartzeko eskatu dio Turkiako patronal nagusiak Erdogani. Interes tasen igoera eta austeritate neurriak derrigorrezkotzat jo ditu.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna