Mayk esan du 'brexit'-aren epeei eutsiko dietela

Theresa May Erresuma Batuko lehen ministroa brexit-ari buruz mintzatu zen atzo parlamentuan. Denbora igaro ahala, gero eta presio handiagoa jasaten ari da, baina hasieran ezarritako epeari eutsiko diotela esan zuen —akordioak urrirako egina egon beharko luke—. Dena den, Ulrike Demmer Alemaniako Gobernuko bozeramaileak atzo esan zuen «akordiorik gabeko egoera baterako» prestatu behar duela EB Europako Batasunak. Erresuma Batuko eta EBko negoziatzaileak gaur elkartuko dira.