Gutxienez 83 pertsona hil dituzte Iraken azken bost egunetan

Erredakzioa -

2019ko urriak 30
Joan den ostiralean berpiztu ziren protestak Iraken, eta ondorioak hil hasierakoak bezain odoltsuak izan dira: gutxienez 83 pertsona hil dituzte bost egunean, gehienak estatuaren indarrek eta miliziek hildako manifestariak. Osasun arloko eta estatuaren indarretako iturriek jakinarazi zutenez, gutxienez hamalau manifestari hil zituzten herenegun gauean Kerbala hirian, baina gobernuak bakar baten heriotzaren berri eman du, eta Kerbalako gobernadoreak erran du «berri faltsuak» zabaltzen ari direla. Atzo dozenaka milaka lagunek protesta egin zuten Bagdadeko Tahrir plazan: hiriburuan ostiraletik egin duten protestarik jendetsuena. Irakasle eta abokatu taldeek grebarako deia egin ondoren, atzo hainbat sindikatuk adierazi zuten haiek ere lanuztera deituko dutela.

Hilaren 1ean hasi ziren manifestazioak, ustelkeriagatik eta egoera ekonomiko larriagatik protesta egiteko. Gobernuaren batzorde baten arabera, astebetean 157 pertsona hil zituzten, gehienak manifestariak. Arrazoi berberagatik berpiztu zen mugimendua joan den astean. Adel Abdelmahdi lehen ministroak atzo jakinarazi zuen dimisioa emateko aukera aztertuko duela.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna