Albistea entzun

21. Korrika

Gelatik irten gabe: lekukoa, bidea eta kanta

Aurten ere Ikastolen Elkarteak Korrikari buruzko unitate didaktikoa landu du 3-18 urte arteko ikasleentzat. Erakunde biek «elkarlan naturalaren fruitu» gisa ikusten dute.
Graxi sorgina, Korrikako unitate didaktikoko ipuineko protagonista.
Graxi sorgina, Korrikako unitate didaktikoko ipuineko protagonista. Z / EZEZAGUNA Tamaina handiagoan ikusi

Berria -

2019ko apirilak 3

Korrikak modu berezian elkartzen ditu AEK eta Ikastolen Elkartea. Eta Korrikaren inguruan bi urtez behin lantzen den unitate didaktikoa «elkarlan naturalaren fruitu» gisa ikusten dute Asier Amondo Korrikaren koordinatzaileak eta Koldo Tellitu Ikastolen Elkarteko lehendakariak. Ia hogei urte dira Ikastolen Elkarteak lehen aldiz Korrikaren inguruko unitate didaktikoak landu zituenetik, eta, ordutik, hutsik egin gabe atera dute antzeko materiala urte bakoitietan. Argi dute, ordea, material hori ez dela soilik ikastoletan lantzeko, edozein hezkuntza zentrotan jorratzeko modukoak dira bertan jasotzen diren edukiak.

Unitateak hezkuntza formalaren etapa guztiak hartzen ditu, Haur Hezkuntzatik 18 urtera bitartean, eta lehen aldiz aukera izango da osorik online lantzeko, horretarako sortu duten webgunean. Bestalde, orain arte bezala, paperean deskargatzeko aukera ere izango da webgune horretan bertan.

Iñaki Zapirain Orereta ikastolako irakasle eta unitatearen egileak bestelako berritasunen berri ere eman du, unitate didaktikoa prestatzen dutenak aurreko ekitaldikoa hobetzen eta osatzen ahalegintzen baitira bi urtez behin. Ipuinaren audio bertsioa ere aurten egin dute lehen aldiz. Graxi izeneko sorgina da Ikimiliklik ipuinaren protagonista, eta Garestik Gasteizera egindako bidaia kontatuko du. Goiatz Labandibarren ipuinaren audio bertsioan Garazi Urdanpilletak egin ditu kontalari lanak.

Korrikari eta euskarari buruzko mezu sekretuekin lekukoak bete eta jolaslekuan ezkutatzea da beste proposamen berrietako bat. LH1ekoak hasiko lirateke horretan, eta hurrengo mailakoek lekukoa topatu eta mezua osatu beharko dute, berriz ezkutatu baino lehen. Mezua LH6koena iristen denean, azken ukituak eman, eta denon artean irakurriz eta hausnartuz amaituko da ariketa.

Berritasunen zerrenda luzean daude, halaber, LH2koentzako Komiklika jarduera, Korrikako kantekin egiteko Klikaraokea, LH5 eta LH6koek koreografia berri bat prestatzea Korrikako abestiarentzat, Klikahoot galdera-erantzunen jolas digitala, omenduari buruzko material berriak...

Unitate didaktikoko materiala bost multzotan dago banatuta, adin tartearen arabera: Haur Hezkuntzako (Hego Euskal Herrian) edo Ama Eskolako (Ipar Euskal Herrian) umeak, Lehen Hezkuntzako lehengo zikloa (6-8 urte), bigarren zikloa (8-10 urte ) eta hirugarren zikloa (10-12 urte), eta DBH eta DBHO (12-18 urte). Dena den, adin ezberdineko umeak elkarrekin aritzea eta adinak nahastea ere badu helburu unitate didaktikoak, eta hainbat proposamen daude horri begira.

Baliabideak, klik batean

Unitate didaktikoaren webguneak bi atal nagusi ditu. Unitate didaktikoen atala adinka banatuta dago, eta ikasleek erabiltzeko dago prestatuta. Horretarako, beraiei dagokien adin tartean klikatu, eta han dute behar duten material guztia: ipuinak, abestiak, Korrikako petoak egiteko ereduak, bideoak, galdera-erantzunak... Irakasleentzat, berriz, Gida didaktikoa izeneko atala prestatu dute. Unitate didaktikoan prestatutako jarduera guztien azalpenak eta aholkuak jaso ditzakete bertan: jarduera nola garatu, zein material behar duten, jarduera bakoitzarentzat erabili beharreko denbora...

Horrez gain, multimedia atalean, jardueretan erabili beharreko baliabide digitalak aurki daitezke: kantak, karaokea, Txillardegiri buruzko materiala...

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

«Euskarak izan behar du hezkuntza sistemako hizkuntza normalizatua»

«Euskarak izan behar du hezkuntza sistemako hizkuntza normalizatua»

Imanol Magro Eizmendi - Arantxa Iraola

Euskalgintzako eta kulturgintzako pertsona ezagunak batu ditu Euskalgintzaren Kontseiluak eta aldarrikatu dute euskara eta euskal kultura ardatz izan behar dituela Araba, Bizkai eta Gipuzkoarako ontzen ari diren Hezkuntza Legeak

Eusk Jaurlaritzak, foru aldundiek eta Bilbo, Donostia eta Gasteizko Udalek Euskararen Eguna ospatu dute Gasteizen ©Irekia

Euskararen alde adostasunak josteko aldarria, aho batez

Edurne Begiristain

Euskararen Nazioarteko Eguna da gaur, eta hura ospatzeko ekitaldi eta adierazpen ugari egin dituzte instituzioek, alderdiek eta eragileek. Eusko Jaurlaritzak, foru aldundiek eta Bilbo, Donostia eta Gasteizko alkateek duela 40 urte Euskararen Legeak lortutako adostasuna goratu dute. EH Bilduk esan du euskararen alde «adostasun berriak» eraikitzeko unea dela.

Euskal Hedabideen emankizuna, goizean, Baionan. ©Kanaldude

Euskalgintzaren prekaritateari aurre egitea «zaila» izanen da energiaren kariotze garaian, Kurutxarriren ustez

Oihana Teyseyre Koskarat

Ipar Euskal Herriko Euskal Hedabideek emankizun berezia egin dute goizean, Baionan. Euskaraldiaren biharamunean, bilana egin dute, eta euskalgintzaren prekaritatea ere izan dute aipagai.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Berria

Informazio osagarria

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.