Garai baten ondorio biziak

Robert Seth Hayes AEBetako Pantera Beltzen Alderdiko kidea aske utzi dute, espetxean 45 urte egin ondotik. Bertze hemeretzi presok 40 urte baino gehiago daramatzate kartzelan.
Pantera Beltzen kide bat Washingtongo kongresuan (1970).
Pantera Beltzen kide bat Washingtongo kongresuan (1970). LIBRARY OF CONGRESS Tamaina handiagoan ikusi

Mikel Rodriguez -

2018ko abuztuak 11

Joan den asteartean, Robert Seth Hayes espetxetik atera zen, 45 urte preso egin ondoren. Baldintzapeko askatasuna emateaz arduratzen den batzordeak Hayesen eskaera onartu zuen 11. ahaleginean. «Sethekin solas egin dugu, eta hagitz eskertuta dago haren lagunei eta jarraitzaile guztiei. Kanpoan bere burua kokatu ondoren eginen ditu adierazpenak», jakinarazi zuen Jericho Mugimendua AEBetako preso politikoen eta «gerrako presoen» aldeko gobernuz kanpoko erakundeak. Hayes BPP Pantera Beltzen Alderdiko kidea zen, eta bizi osorako zigorra ezarri zioten 1973an, hainbat delitu leporatuta. Beltzak askatzeko mugimendua sortu zen aroko protagonistetako bat izan zen Hayes; espetxean jarraitzen duten bertze hemeretzi kideak bezala, garai baten ondorio bizia.

Armadak Vietnamgo gerrara eraman zuen Hayes, borrokara. Itzulerakoan, 1968ko apirilean, Hayesen unitateari agindu zioten zanpatzeko Marthin Luther King beltzen eskubide zibilen aldeko liderra hil ondoren sortu ziren protestak. Orduan, Hayesek armada utzi zuen, eta garai hartan AEBetako beltz anitzek hartu zuten bideari ekin zion: beltzak askatzeko mugimenduarekin bat egitea. BPPn militatzea aukeratu zuen horretarako.

1973an atxilotu eta zigortu zuten; egotzi zioten deliturik larriena polizia bat hiltzea izan zen. 1998an, 25 urte preso egin ondoren, baldintzapeko askatasuna eskatzeko lehen ahalegina egin zuen. Hamar aldiz ukatu zioten, Jericho Mugimenduaren arabera, ez ziolako uko egin bere ideologiari eta BPPn eginiko ibilbideari.

Beltzak askatzeko mugimenduko kideen artean, Romaine Fitzgeraldek daramatza preso urte gehien: 49 eginen ditu urrian. Garai bateko gatazkaren ondorio biziak dira hemeretzi preso horiek, baina, hamarkadak igaro badira ere, funtsa ez da konpondu. Horren adibide, iaz Charlottesville hirian zuri arrazistek egindako erasoak. Gaur beteko da urteurrena.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

 ©BERRIA

«Transmisio komunitario bat daukazunean, ezin da telefono bidez kudeatu»

Jon Ordoñez Garmendia

Epidemia betean harrapatu dute hauteskundeek Ordizia, eta kezkatuta dago Ezenarro. Arriskuaz ohartarazi arren, neurri bereziak hartuta egingo dituzte bihar. Erakundeen babesa eta mahai tekniko bat sumatu ditu faltan.

Jendea kalean asteon, Gasteizen. ©JAIZKI FONTANEDA / FOKU

Tutera eta Ordiziako kasuen oldarraldien harira, adi ibiltzeko eskatu dute

Arantxa Iraola

Sorburua Ordizian duten 69 kasu agertu dira; Tuterakoarekin zerikusia dutenak 31 dira. «Transmisio komunitarioa» egiaztatzeko dago beste hainbat tokitan; ikertzen ari dira

Bi lagun, terraza batean eserita, Orion. ©JON URBE / FOKU

Nork agindu tabernetan

Aloña Beraza Peña Irati Urdalleta Lete

Ordiziako taberna batetik zabaldutako fokuak piztu ditu alarmak aste honetan. Su gehiago ere ari dira pizten, Tuteran, Gasteizen... Tabernariak eta kudeaketan dabiltzanak kezkatuta daude.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna