Albistea entzun

ANALISIA

Eta Rajoyk estradizioa eskatu balu?

Martxelo Otamendi -

2018ko uztailak 21

Oso tarte gutxirekin Alemaniako magistratuek eta Espainiako Goreneko Llarena magistratuak hartu dituzten bi erabakiek eztabaida juridiko eta politiko interesgarriak jarri dituzte aktualitatearen agendan. Alemaniarrek erabaki dute Puigdemont Espainiaratzekotan diru publikoaren erabilera bidegabeagatik egingo dutela, matxinada baztertuta. Eta Llarenak esan die indargabetu egingo duela Puigdemonten aurkako euroagindua. Puigdemontena eta ihes eginda dauden beste guztiena.

Alemaniako epaileek esan zioten Llarenari uste dutela Puigdemont delitu baten egilea dela, diru publikoaren erabilera bidegabearena. Llarenak berak horixe bera uste du. Hortaz, uko egin diezaioke magistratu batek gaizkile bat justiziaren aurrean eramateari, prestigioagatik komeni ez zaiolako? Legezkoa da Llarenak egin duena?

Alemaniako magistratuen eta Llarena magistratu espainiarraren erabakiak ikusi ondoren, seguru Rajoyk eta haren aholkulariek behin baino gehiagotan egin diotela ondoko galdera beren buruari: Espainiak Puigdemonten euroagindua barik, estradizioa eskatu balio Merkelen gobernuari, zer erabaki hartuko zukeen Berlingo buruzagiak? Erantzuna ezagutzeko aukerarik gabe geratu gara. Euroagindua justizien arteko eskaera da; estradizioa, aitzitik, gobernuen artekoa. Eta gobernuek konpromiso handiagoak dauzkate —zor diplomatikoak, interesak, babesak, aliantzak, maileguak...—, epaileek elkarren artean dauzkatenak baino. Askoz ere gehiago.

Rajoyren garaian, Espainiako Gobernuak eska ziezaiekeen Belgika eta Alemaniako gobernuei Puigdemonten estradizioa, baina Rajoyk Kataluniarekin zerikusia zeukan guztia justiziaren esku uztea erabaki zuenez —legelariek «epaileen gobernua» deitutakoa—, Goreneko magistratuak euroagindua jarri zuen martxan.

Puigdemont Europan ihes eginda dagoen bitartean, edozein unetan aktiba lezake LLarena magistratuak beste euroagindu bat Puigdemonten aurka. Bruselara itzulita, eta mugitzeko erabateko askatasunaren jabe, segituko al du Puigdemontek batetik bestera mugitzen Europan barrena? Eman dezagun Frantziara doala hitzaldi bat ematera, eta, horren berri edukita, berriro martxan jartzen duela Llarena magistratuak euroagindua. Zer egingo du Frantziako Justiziak? Seguru aspaldi eginda daukala Puigdemontek estatu seguruen zerrenda.

Europako mugetatik ateraz gero, Espainiako Gobernuak eska lezake estradizioa, estatu hartzailearekin horretarako akordioa edukiz gero.

Gogoratu behar da Puigdemont joan zela Finlandiara batere garrantzirik ez zeukan ekitaldi batera, alegia, hitzaldi arrunt bat ematera, eta arrisku handia hartu zuela. Horren ondorioz igaro zen arretagunea Belgikatik Alemaniara. Puigdemontek esan lezake orain ondo atera zaiola jokaldia, baina asteotan ia inon agertu ez izanak, hau da, erabat isilik egon izanak, pentsaraz diezaguke larri ibili dela, eta nahiago izan duela zaratarik ez atera epaileek erabakia hartu bitartean.

Madrilgo hodeiak irakurtzen dakitenen arabera, gero eta gehiago ziren Espainiako Gorenean, delitu txikia onartuta ere Puigdemont Espainiara eramatearen aldekoak. Zer adierazi nahi izan zuen Espainiako presidente Sanchezek, Alemaniako epaileen erabakia baloratzeko, esan zuenean «garrantzitsuena da Puigdemont Espainian epaituko dutela»? Zer mezu bidali zion esaldi horrekin Llarena magistratuari?

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ingurumena eta inpunitatea

Ingurumena eta inpunitatea

Cecilia Valdez

Argentina erreferente bat da ingurumen legeen arloan; ez, ordea, justizia klimatikoa ematerakoan. Kutsadurak edo estraktibismoak kalte egindako herritarrak babesik gabe daude, eta nazioarteko instantzietara jotzen dute, baina haiek ere ez diete irtenbiderik ziurtatzen.
Petrolioa <em>offshore</em> esplotatzearen kontrako protesta bat, iragan otsailean, Buenos Airesen. ©BERRIA

Petrolioa 'offshore' esplotatzeko asmotan

Romina Lema

Zenbait ingurumen erakundek ohartarazi dute hidrokarburoak 'offshore' bilatu eta ustiatzeak atzera-bueltarik gabeko eragin larria duela hala itsas ekosistemetan nola kostako hirietan.
Pertsona bat, herenegun, Uvalden, hildakoak omentzeko gunean. ©TANNEN MAURY / EFE

Etxe Zuriaren iritziz, erriflearen erakundearen jarrera «lotsagarria» da

Igor Susaeta

Erriflearen Erakunde Nazionala urteroko biltzarra egiten ari da. Demokratek suzko armen erabilerari buruzko itun bat bultzatu nahi dute Senatuan

 ©GORKA RUBIO / @FOKU

«Eskuin muturraren helburua da gure sen ona konkistatzea»

Igor Susaeta

Espainiako Estatuan 40 urteotan antifaxismoak ultraeskuinari nola aurre egin dion kontatu du Ramosek liburu batean. «Eskuin muturra instituzioetara iristean, hori bere kontua ez zela uste zuen jende askok sentitu du badela bere kontua».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.