Albistea entzun

Ibaiganeko giltza lortu nahi dute

Athleticeko presidentea aukeratuko dute gaur bazkideek. Hiru hautagai daude: Ricardo Barkala, Iñaki Aretxabaleta eta Jon Uriarte. San Mames izango da bozkalekua

Jon Uriarte, Ricardo Barkala eta Iñaki Aretxabaleta hautagaiak.
Jon Uriarte, Ricardo Barkala eta Iñaki Aretxabaleta hautagaiak. MARISOL RAMIREZ Tamaina handiagoan ikusi

Ainara Arratibel Gascon - Aitor Manterola Garate -

2022ko ekainak 24

Gaur-biharretan maizter berria izango du Ibaiganek: Ricardo Barkala, Iñaki Aretxabaleta edo Jon Uriarte. Horretarako giltza emango diete gaur boza eskubidea duten 40.257 bazkideek. 09:00etatik 21:00etara izango dute hori egiteko aukera, estreinakoz San Mamesen, eta gauerdian jakingo da nor izango den Athleticeko 33. presidentea. Hamargarren hauteskundeak izango dira.

Ikusi gehiago: Txandala eta trajea

Barkala Bilboko Portu Agintaritzako presidentea da. Hauteskundeetara aurkezteko urratsa egin zuen lehen hautagaia izan zen. Kirol arloan ere lehendabizikoa izan zen kirol zuzendariaren izena plazaratzen. Ramon Planes aukeratu du, eta Ernesto Valverde gizonezkoen lehen taldea zuzentzeko, hirugarrenez. Ainhoa Tirapuk hartuko luke emakumezkoen sailaren ardura, eta Iraia Iturregik segituko luke entrenatzaile. Halaber, irabaziko balu, Jon Moncayola Osasunako erdilariaren etete klausula ordainduko duela esan du: 22 milioi euro.

Barkalak honelako Lezama nahi du: «Futbolaren egungo errealitate berrira egokitzen joan behar du. Ezin da epe motzera begiratu». Garbi esan du zer den: «Gure jatorria, gure bihotza eta gure etorkizuna da».

Lehiari dagokionez, anbizioa du ardatz: «Indartu egin behar dugu irabazteko espiritua maila guztietan». Maila handiko txapelketa guztietan egon behar du Athleticek haren ustez.

Ikusi gehiago: Lezaman dute erronka

Arlo ekonomikoan, klubaren eragina bertako ekonomian islatzea nahi du, eta «Bilbo, Bizkaia eta Euskal Herria markak» esportatu kirol arrakastaren bitartez.

Iñaki Aretxabaletaren kirol eskaintzan Marcelo Bielsa da ardatza. Bigarren aroa beteko luke. Kirol zuzendaritza gobernatzeko Oscar Perarnau hautatu du, Espanyoleko ohia. Emakumezkoen sailerako Joseba Basarrate izendatuko luke idazkari tekniko, eta Joshua Schirmer estatubatuarra litzateke metodologia arduraduna. Iturregik jarraituko luke.

Lezama «nazioarteko lehen mailako prestakuntza erreferentetzat bultzatzea» du xede, «jokalari eta teknikarien harrobi bikaina izan dadin». Bizkaian zazpi teknifikazio zentro jartzeko asmoa ere iragarri du. Arlo ekonomikoan, lau urtean kontuak «orekatu» nahi ditu, eta San Mames eta Lezama erabili nahi ditu diru sarrerak handitzeko.

Uriarteren proposamenak

Uriarte azkena izan zen aurkezten, eta hura da hautagaietan gazteena. Kirol arloan, Carlos Aviña zeukan arduradun gisa, baina iragarri bezain azkar kendu zuen, sare sozialetan mezu matxistak eta homofoboak idatzita izateagatik. Beste bat aurkitu beharko du orain, baina filosofia garbi dauka: «Pertsona bat behar dugu dena bateratzeko: lehen taldeak, Lezama eta abar».

Emakumezkoen futbolaren arduraduna Xabier Arrieta izango da, eta Iturregi entrenatzailea. Arlo ekonomikoan, diru sarrerak handitu nahi ditu negozio berrien bitartez: «Bestela, altxortegia gutxituz joango da».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Jokin Altuna, ezker eskuari begira, joan den ostiralean Idiazabalgo (Gipuzkoa) Igarondo pilotalekuan egindako entrenamenduan. ©ANDONI CANELLADA / FOKU

«Oso ondo etorri zait gelditzea: behar nuen»

Julen Etxeberria

Jokin Altuna bihar itzuliko da lehiara, azkenekoz jokatu zuenetik hilabete eta erdira. «Zuhur» jokatu nahi izan du: «Oso argi nuen: ez nuen presarik, ondo osatu nahi nuen, eta, gero, gozatu; ez zuen merezi bueltaka ibiltzea».
Luixa Uzkudun eta Izadi Arrospide ama-alabak, igandean lortutako garaikurrarekin. ©BERRIA

Estreinako aldiak xarmatuta

Jon Ander De la Hoz

Luixa Uzkudun eta Izadi Arrospide ama-alabak nagusitu dira binakako lehendabiziko sega-sail txapelketan. Inoizko lanik luzeenak egin dituzte, 300 metro karratu ebakita: «Oso polita izan da».

Jose Ramon Garai eta Unai Laso, atzo, aurkezpenean. ©MARISOL RAMIREZ / FOKU

Unai Lasok 2027ra arte berritu du kontratua Baikorekin

J. Etxeberria

«Oso pozik» dago aurrelaria, eta eskerrak eman dizkie Pilotarien Elkarteari eta enpresari. Garaik esan du Lasok «jauzia» egin duela

Jose Ramon Garai eta Unai Laso, gaur, aurkezpenean. ©MARISOL RAMIREZ / FOKU

Unai Lasok 2027ra arte berritu du kontratua Baikorekin

Julen Etxeberria

Aurrelaria «oso pozik» dago, eta eskerrak eman dizkie Pilotarien Elkarteari eta enpresari. Jose Ramon Garaik esan du Lasok «jauzia» egin duela.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...