Karabakh Garaiko hiriburua ebakuatu dute, inguruko erasoen harira

Azerbaijanek Shushi hiria konkistatu du; Stepanakertetik hamalau kilometrora dago. Bakuk Errusiarren hegazkin bat bota du, eta bi militar hil ditu

Stepanakerteko eraikin bat, suntsituta; duela bi aste bonbardatu zuten.
Stepanakerteko eraikin bat, suntsituta; duela bi aste bonbardatu zuten. EPA / EFE Tamaina handiagoan ikusi

Ander Perez Zala -

2020ko azaroak 10

Karabakh Garaiko gerran asteburu garrantzitsua izan da iragan dena. Azerbaijango armadak aurrera jarraitzen du, eta badirudi Armeniakoa ez dela gai bizilagunaren erasoak gelditzeko; Bakuren indarrak eremuan barrena dira, eta Ilham Aliyev presidenteak herenegun adierazi zuen bere herrialdeko tropek Shushi «askatu» zutela; Karabakh Garaiko hiriburutik hamalau kilometrora dago. Erevanek herenegun erantzun zuen ez zela halakorik gertatu, eta borrokek ez dutela etenik izan, baina Karabakh Garaiko agintariek atzo esan zuten hiriaren kontrola galdu zutela. Kasua edozein dela ere, agintari horiek Stepanakert ebakuatzea erabaki zuten.

Karabakh Garaiko aurtengo gerran gertaturikoa kontuan hartuta, Aliyevek adierazitakoak zalantza handiak piztu ditu, Bakuk garaipen asko aldarrikatu baititu horiek gertatu aurretik edo horiek lortu gabe ere. Edonola ere, astebete da Azerbaijango armada Susan dela, eta, Turkiak salduriko armei esker, Armeniakoa gainditzen ari da egunek aurrera egin ahala; hortaz, ez litzateke harritzekoa herri horren konkista laster iristea. Halere, Karabakh Garaiko agintarientzat, zibilen ebakuazioa «behin-behineko neurri bat» da, eta espero dute iparraldera edo Armeniara joan direnak hiriburura laster itzultzea. Horien artean leudeke Stepanakert defendatzen ari ziren tropetako soldadu batzuk.

Ez dago argi oraingoan zenbat zibilek egin duten ihes handik, gerra hastean Stepanakerteko herritarren erdiek baino gehiagok hiriburutik joateko erabakia hartu baitzuten.

Egiazko menia gertu?

Armeniak eta Azerbaijanek gutxienez hiru saialdi egin dituzte su-eten iraunkor bat finkatzeko, baina hiru kasuetan horiek adostu eta biharamunean borrokak ez ziren eten; elkarri egotzi diote meniak urratzea. Testuinguru horretan, Middle East Eye atari digitalak jakinarazitakoa berritasun bat litzateke: bi aldeak su-eten iraunkor bat lortzeko «zorian» leudeke, eta akordio batean jasoko lukete Errusiako eta Turkiako «bake indarrak» Armeniaren kontrolpean dauden eremu batzuetan hedatzea, horiek handik alde egitearen truke.

Moskuk hasieratik proposaturiko plana da, eta Erevanek orain baiezkoa ematearen atzean leudeke Bakuren tropek azken asteotan lorturiko garaipen militarrak. Horri begira, itunak bi korridore sortzea aurreikusiko luke: batek Karabakh Garaia Armeniarekin konektatuko luke, eta besteak Azerbaijanekin. Ikusteko dago horretan eraginik izango duen Bakuk atzo Moskuren hegazkin bat bota izana; bi militar hil ziren.

Iragan irailaren 27an hasi zen bi aldeen arteko gerra, eta, harrezkero, mila eta 5.000 militar artean hil dituzte denera.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Araujoko hautesmahai bateko kideak lanerako prest, udal hauteskundeetako lehen itzulian. ©FERNANDO BIZERRA / EFE

Ez dira udal hauteskunde soilak

Gabriel Puricelli

Brasilen udal hauteskundeek egiten dute agintaldi erdiko bozen lana, eta gobernuan den alderdiaren edo buruzagiaren indarra ere neurtzen dute. Baliteke Jair Bolsonaro ahulduta irtetea oraingo hauetatik.

Etioiako armadako soldaduak, ariketa militar bat egiten, Addis Abeban. ©STR, EFE

Etiopiako armadak Tigrayko hiriburua hartu du, Abiyren esanetan

Gorka Berasategi Otamendi

Herrialdeko lehen ministroak azaldu duenez, Mekelle hiria «guztiz kontrolpean» du gobernu federalak.

Nicola Sturgeon Eskoziako Parlamentuan, pentsakor. ©F. BREMNER / EFE

Zer egin Londresen ezezkoaren aurrean

Ander Perez Zala

SNPko sektore batzuk haserre daude independentziarako B planaren eztabaida blokeatu dutelako. Sturgeonen asmoa da bide orria eta galdera 2021eko bozen aurretik jakinaraztea

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.