Albistea entzun

Koronabirusa. GIZARTEA PENTSALDIAN

Zahar etxeetan betiko arazoak, betiko konponbideak

Jonathan Caro - Erizain geriatra eta EHUko irakaslea

2021eko apirilak 7

Koronabirusaren olatuen joan eta etorri hauen artean zahar etxeen bizitza aurrera doa. Dagoeneko txertatuta daude Euskal Herriko zahar etxeetako biztanle guztiak, eta horri esker bizimodua aldatzen ari da. Orain, bisitak maizago egin daitezke, paseoak baimenduta daude, eta familiak eta egoiliarrek elkar uki dezakete.

Nahiz eta zahar etxeetan COVID-19 kasu aktiborik ez egon momentu honetan ezin dugu bizitza normalera bueltatu kutsaduraren berpizteak ekiditeko, baina baretasun honi esker badirudi garai ona dela aztertzeko zer gertatu den eta etorkizunean zer aldatu behar den epidemia larri hauek saihesteko. Hala ere, nik uste dut etorkizuneko zaintza ereduak diseinatzeko pandemia buruan edukitzea akatsa larri dela, zeren eta bunkerrak eraikitzeko edo gizakien arteko distantzia soziala betirako arau gisa mantentzeko arriskua baitakar.

Koronabirusaren agerpenak Pandoraren kutxa zabaldu du eta aspalditik zetozen zenbait arazo azaleratu ditu, adibidez zaintzaile kopuru urria. Sindikatuek, profesionalek, egoiliarrek eta hauen senideek etengabe salatu dute pertsonal eskasia azken urteetan. Zaintzaile eta zaintzeko pertsonen arteko proportzioa oso desorekatuta dago, baina hau ez da gauza berria. Urteak pasa ahala ikusi dugu zahar etxeetara bizitzera joaten diren pertsonen soslaia aldatu egin dela, orain ingresatzen diren pertsonak zaharragoak dira, gaixoagoak eta mendekotasun maila handiagoa dute, baina egoera hau aldatzen zen heinean langile kopurua ezartzeko irizpideak ez ziren aldatu.

Badira beste arazo batzuk konpondu barik, esate baterako publikotasunaren asuntoa. Ez dut uste publiko edo pribatuen arteko eztabaida orain zehatzena denik; ordea, kalitatezko edo kalitate gabeko egoitzen inguruko eztabaida bai. Zahar etxeak irekitzeko, mantentzeko eta kontzentratzeko irizpideak gogorragoak izan behar dira kalitatea lortzeko, modu honetan, dirua bakarrik nahi duten enpresak sektoretik botatzeko. Honekin batera, arau hauek betetzen direla ziurtatzeko ikuskatzeak handitzea nahitaezkoa da.

Aste honetan Espainiako Diputatuen Kongresuan egoitzen segurtasuna hobetzeko eta esparru soziala eta sanitarioa koordinatzeko formazio profesionaleko titulu berri bat asmatzeko eskaera bat egin da. Asmakizun honek politikariek erizain geriatrikoei buruzko daukaten jakinduri urria agerian uzten du.

Laburbilduz, utz ditzagun antzinako eztabaida antzuak eta aukera ditzagun benetako soluzioak: kalitatezko egoitzak, hauek benetan sustatzen dituzten araudiak, eta, noski, langile gehiago eta hobeak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Subillan egin nahi zuten gasa ustiatzeko proiektua. Artxiboko irudi batean, lursail horietako bat. ©JAIZKI FONTANEDA / FOKU

Eusko Jaurlaritzak uko egin dio Armentia II-n gasa ustiatzeari

Jon Ordoñez Garmendia - Jone Bastida Alzuru - Lander Muñagorri Garmendia

Ohar batean azaldu duenez, Klima Aldaketaren eta Trantsizio Energetikoaren lege proiektua onartu ondoren, «ez du zentzurik». EH Bilduk eta Elkarrekin Podemosek esan dute albiste pozgarria dela

 ©Iñigo Uriz / Foku

Positibo datuek okerrera egin dute: beste 1.142 kasu atzeman dituzte

Jone Bastida Alzuru

Otsailaren 5etik erregistratu den daturik okerrena da. Positibo tasak ere gora egin du: %8,86

Astra Zenecaren txerto dosiak. ©LESZEK SZYMANSKI / EFE

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna