Amnistiaren aldeko aldarria entzunarazi dute Bilboko kaleetan

Euskal preso eta iheslariek eginiko «borroka» azpimarratu dute AEMren martxan, eta haien guztien askatasunaren alde mobilizatzera deitu dute
Bilbon atzo arratsaldean eginiko mobilizazioa, AEMk deituta.
Bilbon atzo arratsaldean eginiko mobilizazioa, AEMk deituta. ARITZ LOIOLA / FOKU Tamaina handiagoan ikusi

Erredakzioa -

2018ko abuztuak 26
Gudariak direlako! Euskal preso, iheslari eta deportatuak etxera lelopean egin zuten manifestazioa atzo arratsaldean Bilboko erdiguneko kaleetan, AEM Amnistiaren Aldeko eta Errepresioaren Aurkako Mugimenduak deituta. Aurreko urteetan bezala, Bilboko Aste Nagusia baliatu dute AEMko kideek euren aldarrikapenak entzunarazteko. Ezker abertzalearen ildo ofizialarekin kritiko direnetako batzuek osatzen dute taldea. Ildo ofizialeko Kalera Kalera dinamikakoek, berriz, herenegun egin zuten mobilizazioa Bizkaiko hiriburuko kaleetan. «Preso guztien» askatasuna helburu izango duen «bide orri bat» adostera deitu zuten.

AEMkoek, berriz, manifestaziora begira eginiko agirian dei egin dute amnistiaren alde «borrokatzera». Azpimarratu dute ihesean eta espetxean dauden «gudari» guztiek libre izan behar dutela, independentzia eta sozialismoaren alde, langileen eskubideen eta euskararen alde, eta estatuen errepresioaren aurka eginiko ekarpenengatik, besteak beste

Irailaren 9an, Donostian

Irailaren 9an, Donostiako arraun estropaden bigarren igandean mobilizatuko dira AEMko kideak beste behin. Bulebarretik abiatuko da manifestazioa, 13:00etan, Gudariak direlako, amnistia osoa lelopean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna