Albistea entzun

Arabako agendaren defendatzaile jo dute euren burua EAJk eta EH Bilduk

Andoni Ortuzarrek dio egitasmoak erdietsi dituztela Madrilen. Iñaki Ruiz de Pinedok esan du «erregimena urduri» dela bere indar politikoarekin
Andoni Ortuzar EAJren EBBko presidentea, atzo, Murgian.
Andoni Ortuzar EAJren EBBko presidentea, atzo, Murgian. JON RODRIGUEZ / EFE Tamaina handiagoan ikusi

Erredakzioa -

2019ko martxoak 24 - Gasteiz

Araban egin dituzte hauteskunde ekitaldiak EAJk eta EH Bilduk, eta biek jo dute euren burua herrialdeko agendaren defendatzaile nagusitzat. Andoni Ortuzar EAJren EBBko presidentearen arabera, haien lanaren ondorioz lortu dira Araban Foronda aireportuko 24 orduko zerbitzua, abiadura handiko trena Gasteizen lur azpitik sartzea, Jundizen garapena, sail ureztatuak, AP-1 eta AP-68 autobideen transferentzia, Garoñako zentralaren itxiera, Goi Nerbioi inguruko saneamendua, Lapuebla de Labarcan (Trebiñun) irisgarritasuna hobetzea eta Gasteizko bide sarea hobetzea.

Ortuzarrek EAEko Ahal Dugu, PSE-EE eta PPren kontrako mezua eman du Murgian, Arabako udal eta foru hauteskundeetako hautagaien aurkezpenean. Esan du EAJ dela «Euskadiren interesen defendatzaile nagusia», eta hori horrela izatea ez dutela gustukoa «Espainiako alderdiek». «Gu Madrilera Euskadiren interesak defendatzera goaz, eta etxera itzultzen gara lortutakoarekin —eta azkeneko urteotan asko izan dira lorpenak—, baina haiek Madrilera doaz euren nagusien aginduak entzutera eta, hona etortzen direnean, burumakur eta esan zaiena egiten dute».

EH Bildu, Marotoren aurka

EH Bilduk Gasteizen egin du ekitaldia, Espainiako Gorteetarako hauteskundeei buruzkoa. Iñaki Ruiz de Pinedo Kongresurako Arabako zerrendaburuak azaldu duenez, bere indar politikoa izan da herrialdeko agenda Madrilera eraman duen talde bakarra: Trebiñuko konderria, Garoña, Martxoak 3.... «Erregimenak badaki hori, eta oso urduri dago».

Duela lau urte EH Bilduk ere eragotzi zuen Javier Maroto Gasteizko alkatea izatea berriro, eta, orain, Espainiako bozetan lehiakide izango du, hura izango baita PPren Arabako zerrendaburua. Haren aurka mintzatu da Ruiz de Pinedo: «EH Bilduren botoa ezinbestekoa izango da Maroto eta hark ordezkatzen duena berriz ere etxera bidaltzeko. Eskuin osoa batu nahi du guk diputaturik izan ez dezagun».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Laura Aznal eta Bakartxo Ruiz EH Bilduko parlamentariak. ©Jagoba Manterola / Foku

EH Bilduk «eskua luzatuta» dauka Nafarroako aurrekontuak negoziatzeko

Joxerra Senar

Laura Aznalek ohartarazi dio gobernuari «exijenteak» izango direla, eta galdegin dio egoeraren arabera ardura izatea.

Beatriz Artolazabal, Zaballako espetxean egindako ekitaldian, atzo. ©RAUL BOGAJO / FOKU

Araba, Bizkai eta Gipuzkoan presoen laurdenak hirugarren graduan daude

Iosu Alberdi

Eusko Jaurlaritzak graduz aldatutako 457 presoetatik 25 «ETArekin lotuta» kartzelatutakoak dira

Garikoitz Aspiazu Auzitegi Nazionalean deklaratzen, hilaren 13an. ©Fernando Villar, EFE

ETAren 2002ko atentatu batean parte hartzeaz absolbitu dute Garikoitz Aspiazu, froga faltagatik

Uxue Rey Gorraiz

2002an Bilbon izandako atentatu bat egin izana egotzita epaitu dute Espainiako Auzitegi Nazionalean; bonba-auto bat lehertu zen, eta hainbat zauritu eragin. Aspiazuk ukatu egin zuen atentatuan parte hartu zuela.

Gaurko ekitaldiko une bat. ©BERRIA

Omenaldia egin diote Katalunian Txikiri, Guardia Zibilak fusilatu zuen lekuan

Berria

Besteak beste, Txikiren anaia Diego Paredes eta EH Bilduko Iñaki Ruiz de Pinedo mintzatu dira ekitaldian

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...