Gornick eta Rodriguez, sarituak

Eider Rodriguezen Bihotz handiegia ipuin liburuak eta Vivian Gornick estatubatuarraren Apegos feroces (Fierce attachments) lanak jaso zuten, atzo, Zilarrezko Euskadi saria. Aintzatespen horren bitartez, «kalitate handikoak izanagatik arrakasta komertzial handirik eduki ez duten lanak» bultzatu nahi ditu Liburu Denden Gipuzkoako Elkarteak. Emakumezkoak protagonista dituzten liburuko sei istorioetan, Rodriguezek «hausnarketarako gonbita egiten du, egoera kafkiarretatik abiatuta». Gornickek, aldiz, XX. mendearen bigarren zatiko Bronx auzoko ghettoen bizitza eta harremanen deskribapen zehatza egiten du bere lanean.