Noiz sortua: 2020-02-19 00:30:00

Garaipena sendagai

Realak gaur jokatuko du abenduan eguraldiagatik atzeratutako lehia, Deportivoren zelaian. Itxaso Uriarte eta Barbara Latorre ez dira osatu.

Damaris Egurrola eta Ane Etxezarreta lehian, igandeko derbian.
Damaris Egurrola eta Ane Etxezarreta lehian, igandeko derbian. ARITZ LOIOLA / FOKU Tamaina handiagoan ikusi

Ainara Arratibel Gascon -

2020ko otsailak 19

Azken hamar egunetan, hiru kolpe gogor jaso ditu Realak. Lehenbizi, Espainiako Superkopako finalean 10-1 galdu zuen Bartzelonaren aurka; ondoren, Madrilek Espainiako Kopatik kanpo utzi zuen penaltietan; eta, bukatzeko, aurreko igandean 2-1 galdu zuen Athleticen aurkako derbian, Lezaman. Gonzalo Arkonadaren taldeak pizgarri edo sendagai bat behar du, kolpe horiek utzitako zauriak arintzeko. Gaur izan dezake horretarako aukera, Deportivoren zelaian irabazita. (19:00, Vamos)

 

Ligako hamalaugarren jardunaldiko partida da gaur txuri-urdinek Galizian jokatuko dutena. Berez, iazko abenduaren 21ean jokatu behar zen, baina, eguraldi txarra zela eta, bertan behar utzi zuten orduan. Hortaz, bi taldeak bi partida gutxiagorekin daude sailkapenean: greba zela-eta jokatu ez zuten neurketa, eta hau. Bai bata bai bestea garaipen beharrean dira ligan. Realak hiru jardunaldi daramatza irabazi gabe, eta Deportivok ligako azken bi neurketak galdu ditu.

Arkonadarenek, dena den, ez dute erronka erraza. Deportivo sasoiko ezustea izaten ari da. Lehen denboraldia du maila gorenean, eta sailkapenaren goialdean da. Bosgarren dago, 30 punturekin. Gainera, etxean aurkari zaila da. Partida bakarra galdu du Abegondon. Athleticen aurka izan zen, duela bi jardunaldi: 0-2. Coruñatik puntu bat urratu zuen, berriz, Granadillak: 1-1. Baina hirugarren jardunaldian izan zen hori. Gainontzeko kontrarioek esku hutsik egin dute etxerako buelta.

Koska bat beherago eta puntu bat gutxiagorekin da Reala. Seigarren da, 29 punturekin. Beraz, gaur irabaziz gero, bosgarren jarriko litzateke. Hala, buruz buru jarraituko luke lehian Athleticekin eta Deportivorekin, laugarren postua lortzeko. Izan ere, Bartzelona, Atletico Madril eta Levante sendo daude lehen hiruretan.

Lezaman egin zuten lan ona nabarmendu du Ana Tejada jokalariak. «Ondo lehiatu ginen, eta uste dut haiek baino hobeto jokatu genuela. Baina erreskadan izan zituzten bi aukeretan asmatu egin zuten, eta hor joan zitzaigun partida. Pena izan zen. Dena den, pozik gaude egindako lanarekin, eta sentipen onak berreskuratzen jarraitzeagatik».

Gaurko partidaren garrantzia nabarmendu du atzelariak. «Oso gogotsu gaude, eta maila onean lehiatzen segitu nahi dugu. Hiru jardunaldi daramatzagu garaipena lortu gabe, eta joera hori aldatu nahi dugu, goian segitzeko».Tejada gustura da taldean izaten ari den rolarekin. «Azken partidetan, euskarrian eta atzean jokatzen ari naiz. Ni Gonzalok eskatzen didana egiteko nago, eta taldeari nire onena emateko».

Cecilia eta Roda, deialdian

Gaurko neurketari begira, Arkonadak bi jokalari garrantzitsu falta izango ditu zelai erditik aurrera: Itsaso Uriarte eta Barbara Latorre. Biak min hartuta daude, eta, asteburuan bezala, deialditik kanpo utzi ditu entrenatzaileak. Haien lekuan, bigarren taldeko Cecilia Marcos eta Sara Roda izango dira Coruñan.

Deportivon, aurreko bi jokalariak dira arrisku nagusia: Gabriela Antonia eta Ainize Barea. Bien artean hamazazpi gol sartu dituzte, taldeak ligan daramatzan erdiak. Bederatzi sartu ditu lehenak, eta zortzi bigarrenak. Barea Arrigorriagan (Bizkaia) jaiotakoa da. Taldeko izarretako bat da, eta zaleen kuttuna. Duen gol senari esker, hainbat lehia erabaki ditu. Hiru asistentzia ere eman ditu aurrelariak.

Albiste gehiago

Apirilaren 1ean eguneratua, 14:00etan. ©BERRIA

Koronabirusaren azken datuak

Berria

Euskal Herrian 9.358 gaixok eman dute positibo koronabirusaren proba eginda, administrazioen arabera. 501 hil dira. COVID-19 gaitza izandako 2.134 pertsonari eman diete alta. Grafikoak, albiste barruan.

Etxeetara elikagaiak eramateko taldeak antolatu dituzte Milanen. ©Matteo Corner / EFE

Izurriak 823.626 pertsona kutsatu eta 40.598 hil ditu munduan

Berria

Dagoeneko 501 pertsona hil ditu gaitzak. Hego Euskal Herrian 9.335 kasu diagnostikatu dituzte. Sindikatuek gutun bat bidali diote Denis Itxaso Madrilek EAEn duen ordezkariari, besteak beste zentralizazioa bertan behera uzteko eskatzeko, eta Maddalen Iriartek mahai bat eratu nahi du erabakiak hartzeko

1983ko abuztuan, Busturian, uholdeetan. ©BERRIA

Zer egin krisi bati aurre egiteko?

Enekoitz Esnaola

Jaurlaritzako eta Nafarroako lehendakariek, euskal gatazkako indarkeriaz gain, zenbait garai sozial gogor ere bizi izan dituzte 40 urteotan: uholdeak, sute eta istripu larriak, krisi ekonomikoak... Carlos Garaikoetxeak, Jose Antonio Ardanzak, Patxi Lopezek eta Uxue Barkosek lehendakari gisara bizi izan zituzten krisietan izandako esperientziak kontatu dizkiote BERRIAri. Garrantzia eman diote gertutasuna eta sentsibilitatea izateari, baita neurriak hartzeari ere.

Herrialdeka, Bizkaian aurkeztu dituzte dosier gehien. ©Marisol Ramirez / Foku

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna