Albistea entzun

Galesen lehen ministroa ordezkatu dute

Mikel Rodriguez -

2018ko abenduak 13

Brexit-aren eta Alderdi Kontserbadorearen barne krisiaren erdian, Galesek lehen ministroa aldatu zuen atzo. Ez da ezusteko gertaera bat izan, Carwyn Jonesek apirilean jakinarazi baitzuen kargua uzteko asmoa. Laborista da Jones, eta Mark Drakeford Osasun ministro ohiak hartu zuen alderdiaren Galesko adarraren ardura joan den astean. Jonesek herenegun utzi zuen gobernuko buruzagitza, eta parlamentuak atzo hautatu zuen Drakeford Galesko lehen ministro.

Lehenbiziko hitzaldian, Drakefordek Erresuma Batuko egoera politiko nahasia aipatu zuen, ahobizarrik gabe. «Eromen moduko batek hartu du Alderdi Kontserbadorea, eta badirudi haren parlamentari kopuru handi batek uste duela gure herrialdearen etorkizuna hobeki dagoela brexit-aren zoru kiskalgarrian oinarritzen den buruzagitza lehia bat sustatuta». Drakefordek erran du agintean dagoen bitartean «esperantza argi bat» eman nahi duela.

Atzoko bozketara hiru lehen ministrogai aurkeztu ziren. Drakeforden alde 60 parlamentaritatik 30ek bozkatu zuten. Paul Davies tory-aren alde, hamabik, eta Adam Price Plaid Cymru alderdi nazionalistakoaren alde, bederatzik. Drakefordek ibilbide luzea du politikan, eta Jonesen azken agintaldian kargu garrantzitsuak izan zituen. Jeremy Corbyn Alderdi Laboristako buruaren hurbilekotzat dute. Bertzeak bertze, Corbynek laboristen buruzagi izateko hautagaitza aurkeztu zuenean (2015), hura babestu zuen Galesko Gobernuko kide bakarra izan zen.

'Brexit'-aren eztabaida

Jonesek, berriz, bederatzi urte egin ditu gobernuko buruzagitzan, eta haren agintepean gertatu da aldaketa politikorik handiena: brexit-eko erreferenduma. Jonesek eta Galesko Alderdi Laboristak EBn segitzearen aldeko aukera babestu zuten, baina Galesen kontrakoak irabazi zuen —%53 batasuna uztearen alde, eta %47 kontra—. Ingalaterrarekin batera brexit-aren alde bozkatu zuen bertze nazioa izan zen.

Horregatik, erreferendumak ez du tentsio nazionala Eskozian eta Irlandan bezainbertze handitu, baina badago gatazkarik. Herritar gehienek gobernuak defendatu zuenaren aurka bozkatu zuten, eta Cardiffek Londresi exijitu dio EBtik Erresuma Batura itzultzekoak diren hainbat eskumen Galesko Gobernuari emateko.

Theresa Mayren azken hatsa

Elefantea gizendu da

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Karakalpakstango 22 ekintzaileren kontrako epaiketaren hasiera, joan den astelehenean, Uzbekistango Bukhara hirian. ©BERRIA

Karakalpakstango protesten epaiketa hasi du Uzbekistanek

Gorka Berasategi Otamendi

Hogei urte arteko zigorrak eskatu dituzte 22 auzipetuen kontra. Manifestariek salatu zuten presidenteak eskualde autonomoaren subiranotasuna ezabatu nahi zuela konstituzio erreforma batekin

Macron eta Putin prentsaren aurrean, joan den otsailaren 7an Moskun egindako bileraren ondoren. ©EFE

Macronek eskatu du Errusiaren segurtasun bermeak aintzat hartzeko

Igor Susaeta

Frantziako presidenteak elkarrizketa batean adierazi duenez, Putinek gerraren amaiera negoziatzea onartzen baldin badu, aintzat hartu behar da NATO «bere ateetaraino heltzeko duen beldurra»
Turkiaren erasoaren aurkako manifestazio bat, azaroaren 20an, Qamixlin. ©EFE

SDFk jakinarazi du eten egin dituela AEBekin egiten ari ziren operazioak

Igor Susaeta

Milizia kurduak indar nagusitzat dauzkan eta Pentagonoaren babesa duen koalizioak ohartarazia zuen Ankarak eraso bat hasiz gero horri erantzutea lehenetsiko zuela. EIren aurkako borrokari eragingo dio

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...