Itsas Salbamendu Humanitarioa, Khiosetik kanpora

Aita Mari erreskate ontzia kudeatzen duen Itsas Salbamendu Humanitarioa gobernuz kanpoko erakundeak Greziako Khios errefuxiatuen kanpalekua utzi behar izan du, Greziako Gobernuak han lan egiteko jarri dizkien baldintza burokratikoak betetzea «ezinezkoa» dela salatu ondoren. Kanpalekuko ospitalean egiten zuen lan GKEak, baina azaldu dute joan den abenduan gobernuak jakinarazi ziela han lanean jarraitzeko erregistro berri batean izena eman behar zutela. Horretarako, esaterako, haien jarduera aztertzeko kanpoko ikuskaritza bat kontratatu behar dute, eta GKEak dio hori ezin dutela ordaindu.