Albistea entzun

Klima aldaketagatik «are handiagoak» izan dira Pakistango uholdeak

Azken 30 urteetako batezbestekoa baino ia %190 euri kantitate handiagoa egin du. Gobernuak jakinarazi du 1.500 lagun hil direla
Pakistango herritarrak, urak hartutako kaleetan, Karachin.
Pakistango herritarrak, urak hartutako kaleetan, Karachin. SHAHZAIB AKBER / EFE Tamaina handiagoan ikusi

Mikel O. Iribar -

2022ko irailak 17

Gizakiak eragindako klima aldaketaren ondorioz «ziurrenik», Pakistanen berriki jazotako uholdeak «are handiagoak» izan ziren. Hala jaso zuen herenegun txosten batean munduko eguraldia aztertzen duen zientzialari talde batek. Ikerketak dioenez, berotze globala ez da izan montzoi sasoiko uholde bortitz horien arrazoi nagusia.

Uztailean eta abuztuan, metro koadroko 391 litro euri egin zituen Pakistanen; hau da, azken 30 urteetako batezbestekoa baino ia %190 gehiago. Ikerketaren arabera, berotegi efektuko gasen isurketarik gabeko egoera batean, gisa horretako hondamendi bat gertatzeko arriskua «askoz ere txikiagoa» izango litzateke. «Horrek esan nahi du klima aldaketak asko handitzen dituela muturreko euriteak gertatzeko aukerak», zehaztu du. Era berean, Friederike Otto ikerketa talde horretako kideak nabarmendu duenez, eurite handiak izugarri ugaritu dira Pakistanen, «gizakia atmosferara berotegi efektuko gas kopuru handiak isurtzen hasi zenetik».

Hondamendi latza pairatzen ari da Pakistan; hain zuzen, herrialdearen heren bat urpean dago, 33 milioi pertsonari eragiteraino —220 milioi biztanle ditu—. Agintariek emandako azken datuen arabera, 1.500 lagun baino gehiago hil dira, horietatik 530 haurrak, eta 12.750 zauritu utzi ditu. Horrez gain, milioi bat etxebizitzatik gora suntsituta daude, batez ere Sindh probintziaren hegoaldean. Horiek horrela, ehunka mila pertsona errepide bazterrean lo egiten ari dira urak ez harrapatzeko.

Kalte ordain eske

Azken asteetan, agintariek hesiak eraiki dituzte urak funtsezko instalazioei kalte egin ez diezaien, hala nola zentral elektrikoei eta etxebizitzei. Dena den, Dadu barrutiko komisariordeak atzo adierazi zuenez, uraren mailak behera egin du Sindh probintziako zenbait puntutan, eta hiriko saltokiak «partzialki» irekitzen hasiak direla gehitu zuen.

Ikertzaileek ohartarazi dutenez, gisa horretako hondamendi naturalak «ohikoagoak eta are muturrekoagoak» izango dira, krisi klimatikoa areagotu ahala. Hain justu, Egipton azaroan egitekoa duten COP27 goi bileraren aurretik, arriskuan dauden herrialde batzuek jada kalte-ordainak eskatu dizkiete atmosferara gas kutsagarri gehien isurtzen dituzten estatuei —AEBei eta Txinari, besteak beste—, klima aldaketak eragindako kalteengatik, azpiegituretan edota ekonomian.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Turkiaren erasoaren aurkako manifestazio bat, azaroaren 20an, Qamixlin. ©EFE

SDFk jakinarazi du eten egin dituela AEBekin egiten ari ziren operazioak

Igor Susaeta

Milizia kurduak indar nagusitzat dauzkan eta Pentagonoaren babesa duen koalizioak ohartarazia zuen Ankarak eraso bat hasiz gero horri erantzutea lehenetsiko zuela. EIren aurkako borrokari eragingo dio
Turkiaren erasoaren aurkako manifestazio bat, azaroaren 20an, Qamixlin. ©EFE

SDFek jakinarazi dute eten egin dituztela AEBekin egiten ari ziren operazioak

Igor Susaeta

Milizia kurduak indar nagusitzat dituen eta Pentagonoaren babesa duen koalizioa ohartarazten ari zen Ankarak eraso bat hasiz gero horri erantzutea lehenetsiko zuela. EIren aurkako borrokari eragingo dio

Vladimir Putin Errusiako presidentea, gaur, Moskun. ©EFE

Errusiak esan du «negoziatzeko prest» dagoela, bere interesak «bermatzeko»

Mikel Elkoroberezibar Beloki

Ukrainako armadak adierazi du bere tropetako 13.000 soldadu eta 6.000 zibil hil direla gerra hasi zenetik. Haur ugariri hezkuntzarako eskubidea urratu dietela salatu du NBEko batzorde batek.

Boliviar bat Silala ibaitik ura hartzen, Txileko mugatik gertu. ©MARTIN ALIPAZ / EFE

Boliviak esan du Hagako epaiak Silala ibaiko ubide artifizialak eraisteko aukera emango diola

Mikel O. Iribar

Nazioarteko Justizia Auzitegiak ebatzi du Silala ibaia «nazioartekoa» dela, eta Txileri eta Boliviari eskatu die elkarren arteko elkarrizketak «etengabekoak» izateko. Santiagok ez dio kalte ordainik eman beharko La Pazi.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...