Albistea entzun

BAKARRIZKETA

Power of Siberia, Ekialdeko bi handiak lotzen

MIKHAEL KLIMENTYEV / EFE Tamaina handiagoan ikusi

Irune Lasa -

2019ko abenduak 8

Errusiak eta Txinak lanean jarri dute Txina iparraldea Siberiako gas naturalez hornitzeko gasbide erraldoia.

1. Siberian orain... Hotz. Bai, hotza. Eta Vladimir Putini buruz ari garela, harentzat oso sinbolikoa den zerbait gertatu zen astelehenean: Power of Siberia gasbidea abian jarri zuten.

2. Hori izena: Siberiaren boterea, Siberiaren ahalmena. Hitz arranditsu asko entzun dira gasbidearen kontura, egia da. Baina ezin da ukatu azpiegitura bera erraldoia dela. 3.000 kilometroko luzera duen tututik urtean 38.000 milioi metro kubo gas natural joango dira Siberiako putzuetatik Txina iparraldera, Pekin eta inguruetara, hango berogailuak eta zentral termikoak hornitzeko.

3. Eta hori zenbat da sosetan? 30 urterako kontratua 365.000 milioi eurokoa izango da. Arnasaldi ederra kili-kolo dabilen Errusiako ekonomiarentzat. Gainera, Errusia eta Txina lotuko dituzten beste bi gasbide gehiago aurreikusten dira, Power of Siberia 2 erraldoia, zeina Txinaren mendebaldeko mugatik igaroko den, 30.000 metro kubo gas garraiatzeko, eta beste bat txikiagoa, Errusia ekialdeko Sakhalin irlatik abiatuko dena.

4. Sinbolikoa baino gehiago da hori guztia; Putinentzat eta Txinako buruzagi Xirentzat ere. Egia da, gasbide horiek diru asko eta bi herrialdeen ekonomia bera baldintzatuko dutelako, eta besteak beste, lagungarri izango delako Txinak bere ikatzezko zentral oso kutsatzaileak baztertzeko. Gas naturalarekin dabiltzan zentral termikoek ere isurtzen dute karbono dioxidoa atmosferara, baina ikatzezkoek baino askoz gutxiago. Baina ez gutxietsi gasbidearen sinbolismoa.

5. Zer adierazten du, bada? Putinek berak azaldu zuen gasbidea martxan jartzeko ekitaldian: «Gertakizun historikoa da, ez soilik energiaren merkatu globalarentzat, baina lehendabizi gu guztiontzat, Errusiarentzat eta Txinarentzat». Errusiako presidenteak «beste kalitate maila bateko harremanak» ere aipatu zituen. Xi Jinpingek ere esan zuen «elkarlanerako fase berri baten hasiera» zela. Dena den, ez Putin, ez Xi ez ziren Siberian izan. Inaugurazioa bideokonferentziaz egin zen, Sochin zegoen Putin, Pekinen zegoen Xi, eta gasbidea martxan jarri zuten langileak lotuz.

6. Adiskide onak dira orduan, Errusia eta Txina. Badirudi iraganean gelditu direla elkarrekiko mesfidantza agerikoa zuten garaiak. Eta elkarrenganako hurbilketan zerikusia izan du bi herrialdeek mendebaldearekin zituzten harremanak hoztu egin izanak. Jada bost urte dira Errusiako hainbat produkturen kontrako bahimendua indarrean dagoela, Ukraina dela eta. Eta zer esan Txinaren eta Trumpen AEBen arteko gatazka komertzialez.

7. A ze bi lagun, Putin eta Xi. Errusiak eta Txinak elkarrekin beste hainbat proiektu ere badituzte: hala nola bi herrialdeak lortzeko autobideak eta zubiak. Eta adierazi dute hegazkingintzan batera aritzeko asmoak, bidaiarientzako hegazkin bat ekoizteko. Eta elkarlana ez da horietara mugatzen: Txinak parte hartu zuen Errusiak urtero egiten dituen Tsentr maniobra militar erraldoietan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Metalgintzako sindikatuek atzo eginiko elkarretaratzea, LHK-k Bilbon duen egoitzaren aurrean. ©MARISOL RAMIREZ / FOKU

Bizkaiko metalgintzak grebara joko du itunaren negoziazioa luzatzen bada

Imanol Magro Ezimendi

ELAk, LABek, CCOOk eta UGTk bat eginda negoziatuko dute. Alde handia dago sindikatuen eskaeren eta patronalaren eskaintzen artean
Emakume bat bitcoin-ak diru gisa onartzen dituen okindegi batean, Santa Tecla hirian (El Salvador).. ©Rodrigo Sura / Efe

Kriptodiruak: birtualak ez diren galerak

Iker Aranburu

Bitcoinen eta beste diru digitalen balioa amildu egin da, eta 'luna' izenekoa, berriz, desagertu. Inbertitzaileak arrisku handiko aktiboetatik alde egiten ari dira. El Salvador arriskuan jarri du erorialdiak, bitcoinen aldeko apustua egin baitu

Irizar E-mobilityko langileek 22 egunez itxi dituzte lantegiko sarrerak ©Jon Urbe (Foku)

Irizar E-mobilityko greba bertan behera utzi dute, ituna adostu ondoren

Jokin Sagarzazu

Langile batzordeak egindako bost eskaerak sartuko dituzte hitzarmenean, eta soldata igoera izango dute. 22 egun egin dituzte greban.

Bizkaiko metalgintzako sindikatuek LHKren aurrean deituriko mobilizazioa. ©Marisol Ramirez / FOKU

Lehen greba hotsak iritsi dira Bizkaiko metalgintzara

Imanol Magro Eizmendi

ELAk, LABek, CCOOk eta UGTk plataforma bateratu bat osatu dute lan hitzarmena negoziatzeko, eta patronalari jakinarazi diote ez dutela nahi negoziazioak gehiegi luza daitezen.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...