Albistea entzun

Obara eta Barron jazzaldietan

Gasteizko 44. Jazz Jaialdiak eta Donostiako 56. Jazzaldiak aurkeztu dituzte beren egitarauak. Uztailaren 14 eta 18 bitartean izango da Gasteizkoa, eta segidan Donostiakoa, uztailaren 21etik 25era
Cecile McLorin Salvant abeslaria.
Cecile McLorin Salvant abeslaria. DONOSTIAKO JAZZALDIA Tamaina handiagoan ikusi

Gorka Arrese -

2021eko ekainak 10

Uztaileko jazz jaialdi batzuen egitarauak ezagutarazten eta txarteldegiak zabaltzen hasi dira. Atzo aurkeztu zituzten Gasteizko 44. Jazz Jaialdia eta Donostiako 56. Jazzaldia.

Gasteizen, hauek izango dira protagonista nagusiak: Anne Paceo eta Antonio Sanchez (bateriak), Itamar Borochov (tronpeta), Kathrine Windfeld (pianoa), eta Thumbscrew eta Maciej Obara Quartet taldeak. Uztailaren 14an hasi eta 18an buka, Iradier Arena eraikinean eta Principal antzokian egingo dira kontzertuak, eguerdiz eta arratsaldez.

Donostian, hauek izango dira emanaldirik garrantzitsuenetan: Cecile McLorin Salvant (abeslaria), Franco D'Andrea (pianoa), Dave Douglas (tronpeta), Gonzalo Rubalcaba (pianoa), Mulatu Astatke (perkusioa), Kenny Barron (pianoa), Noa (abeslaria), Marc Ribot (gitarra), Silvia Perez Cruz (abeslaria), Bill Frisell (gitarra), Brad Mehldau (pianoa) eta Arlo Parks (abeslaria). Uztailaren 21 eta 25 bitartean egingo dira kontzertuak, Trinitate plazan, Kursaal auditoriumean, Viktoria Eugenia antzokian, San Telmo museoan eta Txillida Leku museoan (Hernani).

Gasteizko txarteldegia datorren astean zabalduko dute, ekainaren 15ean, jazzvitoria.com gunean. Eta Donostiakoa irekita dago jadanik, tickets.donostiakultura.eus gunean.

Gasteizko Iradier Arena

Iaz Gasteizko jaialdia bertan behera utzi behar izan zenez gero, 44. aldia izango da aurtengoa. Iradier Arenako agertokiaz baliatuko dira: eguerdietan, 12:00etan, eta arratsaldetan, 19:30ean. Bazkalondoko kontzertuak, berriz, Principal antzokian izango dira, 17:30ean hasita.

LetterOne Rising Stars jazz sarien Europako lehiaketaren garailea etorri ohi da urtero Gasteizera; hala, azken sarietako irabazleak izango dira aurten: batetik, Itamar Borochov tronpetista israeldarra (uztailaren 14an); bestetik, Kathrine Windfeld piano jotzaile daniarra (hilaren 16an).

Gasteizko jazzaldiari Maciej Obara saxofonistaren laukoteak emango dio amaiera, uztailaren 18an, Principal antzokian. Dagoeneko hamar disko plazaratuta dauzka 39 urteko musikari poloniar horrek; azkenekoa, Three Crowns. Obarak lagun izango ditu Dominik Wania pianoan, Ole Morten Vagan kontrabaxuan eta Gard Nilssen baterian.

Bost egunetan aukera izango da entzuteko, adibidez: bateriaren bi birtuoso, Anne Paceo frantsesa eta bost Grammy sariren irabazle Antonio Sanchez mexikarra (uztailaren 17an); eta Thumbscrew hirukote estatubatuarra (hilaren 15ean), Mary Halvorsonen gitarra abangoardistarekin.

Jazza gazteengana hurbiltzeko prestatu dituzte Iradier Arenako goizeko saioak, interpreteak ere gazteak izaki: hala nola Fran Serrano kontrabaxu jotzailea, Daniel Lopez de Pariza bateria jotzaile gasteiztarra Dan in a Box taldearekin eta The Sey Sisters hirukotearen ahots beltzak.

Donostiako Trinitate plaza

Egitarau zabala dauka Donostiako Jazzaldiak, eta horregatik ditu bost kontzertu leku. Nolanahi ere, ohi bezala, Trinitate plaza izango da nagusia bederatzietan ilunabarrero: saio bi izango dira.

Lehen egunean, uztailaren 21ean, Dave Douglas tronpetistaren eta Franco D'Andrea piano jotzailearen ostean, Cecile McLorin Salvant abeslaria etorriko da, Sullivan Fortner pianista ondoan duela. Hilaren 22an, Aymee Nuviola eta Gonzalo Rubalcaba kubatarrak hasiko dira, eta Mulatu Astatke perkusionista etiopiarraren taldea izango da gero.

Bi piano jotzailek hartuko dute txanda uztailaren 23an: Marco Mezquida kataluniarrak aurrena, eta maisuen maisu den Kenny Barron estatubatuarrak gero, Dizzy Gillespieren bandakoa izandakoak. Barronekin batera ariko dira Steve Nelson (bibrafonoa), Peter Washington (baxua) eta Jonathan Blake (bateria).

Ekialdera begiratuko du uztailaren 24ko saioak. Naissam Jalal flautista siriarrak joko du bere boskotearekin. Gero, Noa israeldarraren txanda izango da, Gil D'Or gitarrista eta Iñaki Salvador pianista donostiarra lagun.

Amaitzeko, hilaren 25ean, bi musikari estatubatuar gailen: Brad Mehldau pianista, Larry Grenadier baxuarekin eta Jeff Ballard bateriarekin; eta, ondoren, Bill Frisell gitarrista, Thomas Morgan baxuarekin eta Rudy Royston bateriarekin.

Marc Ribot gitarra jotzailearen kontzertua Txillida Lekun izango da (24an). Eta Kursaal auditoriumera datoz arratsaldeetan Arlo Parks kantari britainiarra (21ean), Concha Buika abeslari kataluniarra (22an), Giovanni Guidi pianista italiarra (24an), eta, Farsa Circus bandarekin, Silvia Perez Cruz kataluniarra (25ean).

Doako kontzertuak Kursaal kanpoko terrazetan antolatu dituzte. Han ariko dira Sara Azurza, Paul San Martin, Alberto Arteta, Asier Ardaiz eta Hutsun taldea.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Baita ozenki esan ere

Baita ozenki esan ere

Edu Lartzanguren

Gaur duela 30 urte, Gure Jarrera diskoa aurkeztu zuen Negu Gorriak taldeak. Haien bigarren diskoa zen, eta eurek sorturiko Esan Ozenki zigiluaren lehenengoa.

Peio Agirre, Damaris Pan eta Dario Urzay aurtengo saridunak, goizean egindako aurkezpenean, Bilboko Arte Ederren Museoan ©Aritz Loiola/ Foku

Dario Urzai, Damaris Pan eta Peio Agirre dira 2021eko Gure Artea irabazleak

Amaia Igartua Aristondo

Ibilbide artistikoagatik saritu dute Urzai; sorkuntza lana aitortu diote Pani, eta artearen dibulgazioan eginiko lana hartu diote aintzat Agirreri

Norman Foster 'Agravitas' proiektua azaltzen, 2019an ©Foku

Bilboko Arte Ederren Museoak 700 metro koadroko terraza bat izango du eskulturak erakusteko

Amaia Igartua Aristondo

Norman Fosterrek museoa zabaltzeko lehiaketara aurkeztutako proiektuak ez zuen jasotzen aire zabaleko eremurik; azken lanketetan, berrikuntza hori gehitu diote. Halaber, aurreikusi baino zabalagoa izango da erakusketa areto nagusia: 25 metrotik 29 metrora igaro da

Imanol Iribarren eta Peio Irigoien taldeko kideak. ©Gorka Rubio / Foku

Euskal kantuak latin jazzera eraman ditu Aldapeko Basque Latin Jazz taldeak

Mikel Lizarralde

'Iri barrenetik' diskoa argitaratu du Imanol Iribarren pianista eta tronboi jolea buru duen zortzikoteak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna