Albistea entzun

KURSAALEKO ZUBITIK

Nerabeen ahotsa

Urtzi Urkizu -

2021eko irailak 21

Zubian bi neska nerabe ikusi ditut, Alejandro Amenabarren La Fortuna telesaila promozionatzeko jarri dituzten ispilu borobil handiekin jolasean. «Uretan sartuta ikusten dena La Fortuna-ren izena da», irakur daiteke borobil laminatuan.

Ezin jakin bi neska nerabe horien patua zein izango den. Kontua da heldutasunera iritsi ez baina dagoeneko haurrak ez diren neskak direla protagonista Ines Barrionuevoren Camila saldrá esta noche eta Tea Lindeburgen Du som er i himlen film interesgarrietan. Heldutasunak berehalakoan ekar ditzakeen arazoak badatozkie gainera, oso testuinguru desberdinetan: gaur egungo Argentinan dago girotua Barrionuevoren istorioa, eta XIX. mendearen amaierako Danimarkako etxalde batean bigarrena.

Iraultzailea eta askea izan nahi du Camila saldrá esta noche-ko neskak, nahiz eta horrek bultzatzen duen zenbaitetan ama gaizki tratatzera. Erditze zail baten erdian dago Danimarkako filmeko protagonistaren ama, eta alabak sentimendu kontrajarriak ditu, pentsatzen baitu gaiztoa izan dela, eta ez duela ama behar den moduan obeditu.

Bada, halaber, neska nerabea protagonista duen beste lan aipagarri bat: Mikel Gurrearen Heltzear film laburra. Venezian lehiatu ostean, Kimuak-eko katalogoko proiekzioan eskaini dute, eta Zabaltegi sailean ere ari dira ematen. Kasu horretan, 15 urteko neska baten off-eko ahotsa entzuten da. Eskalatzen aritzen den neska bat anaiari gutun bat idazten ari zaio. Ikuspuntu iradokitzailea du lanak, eta funtsean, erakusten du ez direla hain desberdinak Euskal Herrian, Argentinan, Danimarkan edo beste edozein tokitan nerabe batek izan ditzakeen barne kezkak eta sentimenduak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Oier Iruretagoiena artista <em>San Sebastian eta fantasma</em> erakusketarako ondutako pieza baten ondoan, Donostiako San Telmo museoan. ©JON URBE / FOKU

Sufrimenduaren estetizazioa

Itziar Ugarte Irizar

Oier Iruretagoienak 'San Sebastian eta fantasma' erakusketa zabaldu du Donostiako San Telmo museoan. Bi parte ditu: martiri erromatarraren iruditik abiatutako lanak eta soinu instalazio bat

Cristina de Middelek Aleatoris Vulgaris seriean sortu dituen collageetako bat. ©BERRIA

Irudiekin kritika egiteko lengoaiak

Ane Eslava

Cristina de Middelek artearen tresnak baliatzen ditu argazkiekin bere ikuspegiak zabaltzeko. Erakusketa bat jarri du Nafarroako Unibertsitateko Museoan

Gure izeneko umea eta haren aita dira Alex Orbe marrazkilariak eta Unai Elorriaga idazleak argitaratutako <em>Jarraitu inurriari</em> liburuko protagonistak. ©HARRIET EDICIONES

Lurrundu egin den ama bat

Iñigo Astiz

Unai Elorriaga idazleak eta Alex Orbe marrazkilariak ama noiz itzuliko esperoan bizi diren aita-alaba batzuen nondik norakoak kontatu dituzte 'Jarraitu inurriari' komiki liburuan

 ©GORKA RUBIO/ FOKU

«Tradizioa etxe zahar bat eraberritzearen moduko zerbait da»

Alex Uriarte Atxikallende

'KlasikAT'egitasmoaren barruan, Kalakanek Euskadiko Orkestrarekin diskoa grabatu du. Hego Euskal Herriko lau hiruburuetan eta Donibane Lohizunen aurkeztuko dute, urriaren 20tik azaroaren 5era bitartean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna