Albistea entzun

Koronabirusa

Nerabeen txertaketa onetsi dute

12 eta 15 urte arteko gaztetxoei Pfizer etxearen txertoa jartzeari atea ireki dio EMAk. Orain, Europako Batzordearen esku dago behin betiko onarpena

Juanma Gallego -

2021eko maiatzak 29

Pfizer etxearen txertoa 12 eta 15 urte arteko nerabeei jartzearen alde azaldu zen atzo EMA Sendagaien Europako Agentzia. Erabaki esanguratsu horren ondoren, bidea ireki dakioke EB Europako Batasunean 16 urtetik beherako herritarrak txertatzeari. Izan ere, EBn orain adin horretatik gorakoei besterik ez zaie jartzen COVID-19aren aurkako txertoa. Orain, Europako Batzordearen esku egongo da adin horretako gaztetxoentzat ere txertaketaren gomendioa berrestea, eta estatu kideek aukera hori jaso ahal izango dute haien txertaketa plangintzetan.

Maiatzaren 3an, EMAk ekin zion aukera hori aztertzeari, eta atzo sendagaiak gizakietan erabiltzea arautzen duen batzordea bildu zen, Pfizer-BioNTech enpresak ekoitzitako Cominarty txertoa 12 eta 15 urte arteko gaztetxoekin erabiltzea komeni ote den argitzeko. Arratsaldean erabakitakoaren berri eman zuten. Adituen ustez, Pfizer etxearen txertoa segurua eta eraginkorra da, eta 12 eta 15 urteko gaztetxoekin erabiltzea merezi du. Adin tarte honetan ere «onurak arriskuak baino gehiago» direla ebatzi du EMAk, «batez ere, COVID-19 larri bat garatzeko arriskua indartzen duten gaitzak dituzten haurren kasuan».

Ondorio horretara iristeko, Pfizer-BioNTechek egindako entsegu kliniko baten emaitzak aztertu dituzte. 2.000 bat adingaberekin egin dute ikerketa. Txertoa jarri zieten 1.005 adingabeetatik bakar batek ez zuen COVID-19a garatu. 978 gaztetxori plazeboa eman zieten, eta, horietatik hamaseik gaitza garatu zuten. Ikerketan jasotako datuei erreparatuta, EMAk adierazi du txertoaren efikazia %100ekoa dela, baina aitortu du gero errealitatean benetako efizientzia tasa %100 eta %75 artean egon daitekeela.

Datuen argitara, emandako erantzun immunitarioa 16 eta 25 adin tartekoetan izan ohi denaren parekoa dela ziurtatu du EMAk. Erantzuna COVID-19aren aurka organismoak sortzen dituen antigorputzen arabera neurtzen da.

Antzeko albo ondorioak

Albo ondorio nabarmenenei dagokienez, gainerako adin tarteetan izaten direnen oso antzekoak dira, erakundearen esanetan: mina ziztatua izan den besoan, nekea, buruko mina, giharretako oinazea, hotzikarak eta sukarra. «Eragin hauek arinak edo erdi mailakoak izan ohi dira, eta zenbait egunen buruan hobera doaz».

Onartu dute nerabe gutxik parte hartu dutela ikerketan eta, horrenbestez, oraindik «ezohiko albo ondorioak» atzemateko erarik ez dela egon. Txerto horren erabilera gainerako adin tarteetakoaren antzekoa izango dela esan du erakundeak: bi dosiz osatutako pauta emango zaie txertatzen direnei, injekzioen artean hiru asteko tartea utzita.

Bestalde, EMAk iragarri du ikertzen hasiak direla Pfizer jarri ondoren zenbait pertsonak garatu dituzten miokarditisak eta perikarditisak, txertoari lotutakoak ote diren argitzeko. Aurreratu dutenez, zenbait kasu atzeman dira, batez ere, 30 urtetik gorakoen artean, baina oraingoz ez dute txerto horrri lotzeko zantzurik aurkitu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Atzo goizean antolatutako bi mahai inguruetako bat. ©M. DEL VALLE/ FOKU

Ekotopaketak: egiturazko makur bat zuzentzeko

Iñigo Astiz

Kapitalismoaren dinamikaren ondorio ekologiko eta ekonomikoak elkarrekin aztertu dituzte Ekotopaketen bigarren eguneko goizeko mahai inguruan.

Pantxika Maitia moderatzailea, Jean Baptiste Paoli, Delphine Le Bras, Herve Couture eta Aines Dufau, Ikas-ek atzo antolatu hitzaldian, Baionan. ©BOB EDME

Pedagogia ardatz, indarrak batu

Oihana Teyseyre Koskarat

Hizkuntza gutxituetan ikasmateriala ekoizteko dituzten mugez eta erronkez eztabaidatzeko elkartu dira Korsikako, Okzitaniako, Bretainiako eta Ipar Euskal Herriko adituak, Baionan.

 ©Iñigo Uriz / FOKU

«Gure obsesio izan beharko lukete giza eskubideek»

Edurne Elizondo - Nafarroako Hitza

Kazetaria, idazlea eta ikerlaria. Hitz horiekin osatu du Olga Rodriguez Franciscok bere biografia txikia. Nazioarteko hamaika gatazkaren lekuko izan da. Bazter utzitakoak eraman nahi izan ditu beti erdigunera.

Pentsiodunen Mugimenduak Donostian egindako manifestazioa. ©Jon Urbe / FOKU

Zerbitzu soziosanitario duinak aldarrikatu dituzte pentsiodunek

Iñaut Matauko Rada

Hego Euskal Herriko lau hiriburuetan egin dituzte mobilizazioak, Pertsona Helduen Nazioarteko Egunean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...