Albistea entzun

KRITIKA. Musika

Erromantizismoaren bidetik

Jesus Mari Begoña -

2016ko martxoak 9

Musika-Musica

Orkestrak: Bilbo Orkestra Sinfonikoa eta Euskadiko Orkestra Sinfonikoa. Zuzendariak: Yaron Traub eta Jose Miguel Perez Sierra. Abeslariak: Bilboko Korala eta Easo Abesbatza. Lekua: Bilboko Euskalduna Jauregia. Eguna: Martxoak 4.

Jendez bete zen Euskalduna jauregia Musika-Musica jaialdiari hasiera emateko eta BOSen nahiz EOSen emanaldiez gozatzeko. Lehenengo kontzertuan Bilboko Orkestrak, Bilboko Koralak eta Easo Abesbatzak Richard Wagnerren operatako piezak eta koroak eskaini zizkiguten. Guztiz erakargarria da publikoarentzat holandar alderraiaren elezaharra, non azaltzen den itsasoko kapitainaren zigor-ibilbidea emakume baten maitasunak askatu arte. Bada, Obertura-n antzeman genuen Bilboko Orkestra juxtu samar zebilela baliabidez. Gure ustez, wagnertar orkestrak tronpa gehiago behar ditu, kontrabaxu gehiago , biolontxelo gehiago... Kontuan harturik egitarau osoa tankera horretakoa zela eta Bilbokoek eskarmentua dutela opera horietan, ez dut azalpenik aurkitzen. Hurrengo piezetan, Norvegiako Marinelen koruetan, hain zuzen, koruko gizonak zalantzati hasi ziren. Tinbrearen kalitate makalarekin, ez zuten behar bezalako indarrik adierazi, eta batzuetan batasunik ere ez. Koruen emaitza hobetu egin zen Lohengrin-eko Eztei Martxa ospetsuan; batez ere, emakumeak sartu zirenean. Horiek tinbre egokia, dinamika aproposa, lerro kantua erakutsi zuten, nahiz eta goi tonuetan batzuek arazoak izan. Tanhäuser-eko erromesen koroan, nabarmen erakutsi zuten ez zutela egunik onena gizonek: hasierako esaldi soinubakarretan ?orkestrarik gabe? ozta-ozta eutsi zioten tonuari, eta tarteetan ere beldurrez aritu ziren. Azkenean, zuzendariak harizko tresnak jotzen jarri zituen.

Gizonezkoen haria gaztetu egin beharko da ahotsen kalitatea bermatzeko. Yaron Traub zuzendariak ondo ezagutzen ditu bai orkestra eta bai koroa, baina entsegu gehiago behar zituzten abesbatzek, eta, beharbada, orkestra ere bai.

Euskadiko Orkestrak behar diren instrumentuak aurkeztu zituen Wagnerren eta Richard Straussen bakarreko lanak jotzeko. Tristan eta Isolda-ko Isoldaren heriotza da operak izan duen maisulanetako bat, konplexutasun handikoa. EOSek eder kontrajarri zituen lanak dituen tonu, gai eta erritmo ezberdinak, ñabarduraz bete zituen dinamikak: esaterako, crescendo zirraragarriak maisutasunez biribilduak. Straussen Heriotza eta Antzaldatzea poema sinfonikoa lan urragarria da, hilzori luzearen deskribapena eta Beste Mundu-ko askapenaren deskribapen laburra egiten duena. Lan sakon eta idealista oso ondo gauzatu zuten Jose Miguel Perez Sierra zuzendari entregatuak eta Euskadiko Orkestra beteak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Aitor Fenandino eta Mikel Losada aktoreak, 'Bake lehorra antzezlaneko eszena batean ©Monika del Valle/Foku

Karlistaldian kokatutako gerrei buruzko antzezlana sortu du Patxo Telleriak

Iñigo Astiz

Zehazki, 1872ko karlisten eta liberalen arteko Zornotzako bake ituna hartu du abiapuntu antzerkigileak, baina kasu zehatzetik harago, bakeari eta gerrari buruz gogoeta egiten duen obra bat sortu du: 'Bake lehorra'. Astelehenean estreinatuko dute euskaraz

Saria jaso duten musikariak, gaur, BECeko ekitaldian. ©Marisol Ramirez / Foku

Hamar artista eta talderen lana aitortu dute Musika Bulegoaren VI. Sarietan

Ainhoa Sarasola

Olatz Salvador, Chill Mafia, Gaur, Ether Ensemble, Maite Larburu, Ramon Lazkano, Verde Prato, Amak, Trio Zukan eta Motxila 21 taldeak saritu dituzte aurten, Barakaldoko BECen eginiko galan.

Led Silhouette dantza konpainiako Martxel Rodriguez eta Jon Lopez kideak. ©IÑIGO URIZ / FOKU

Erriberriko antzerki jaialdiak inklusibotasuna izanen du ardatz

Yasmine Khris

Uztailaren 15etik 31ra egingo dute antzerki klasikoaren jaialdia. Espazio «paritario eta feminista» baten alde egin dute apustua aurten

Ezker-eskuin, Arantxa Arzamendi, Mari Jose Telleria, Pello Leiñena, Aizpea Otaegi eta Andoni Iturbe. ©ERESBIL FUNDAZIOA

Musikastek «euskal musikaren hiriburua» batuko du 50. urtez

Miren Mujika Telleria

Bihar hasiko da Musikaste, Errenterian, maiatzaren 28ra bitarte. «Urrezko ezteiak» ospatuko dituzte aurten; izan ere, 50 urte bete ditu jaialdiak. Hamar emanaldi egingo dituzte, askotariko doinuekin

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...