Albistea entzun

KRITIKA. Zinema

Aristokratak eta bilauak

Joaquin Phoenix aktorea, <em>Joker</em> filmaren fotograma batean.
Joaquin Phoenix aktorea, Joker filmaren fotograma batean. WARNER BROS / EFE Tamaina handiagoan ikusi

Gontzal Agote -

2019ko urriak 17

'Joker'

Zuzendaria: Todd Phillips. Aktoreak: Joaquin Phoenix, Robert De Niro, Zazie Beetz, Frances Conroy. Herrialdea: AEB. Iraupena: 121 minutu.

Soilik ezjakintasunez eta hipokrisiaz justifikatzen ahal da Joker filmaren ustezko indarkeriaren apologiari buruzko polemika programatua. Ezjakintasunez, Batmanen unibertsoak bere barnean ezkutatzen duen iluntasuna ez ezagutzea baita, saguzar erraldoia eta haren jokamoldea ez baitira inongo eskola umerik doktrinatzeko modukoak.

Hipokrisiaz, indarkeriarekin —edozein motatako indarkeriarekin— askoz ere jokamolde arriskutsuagoa duten zientoka film estreinatzen baitira urtero. Eta zer esan, aisialdi orduak betetzen dituzten bideo jokoez.

Kontua da indarkeria —ez hemen, ez Gothamen— ez dela beti modu berean neurtzen; nondik datorren eta nora doan zedarritzen du haren gaineko epai morala. Baita haren gaineko oihartzun mediatikoa ere, jakina.

Hor dago koska, eta hipokrisia hori da Todd Philipsen filmak erabat biluzi duena. Ez ondorengo zalaparta histerikoan, filmean bertan baizik. Izan ere, Joker, bere bertute zinematografiko ugariez gain, historiaren zein istorioen ohiko ikuspuntua iraultzen duen tresna arriskutsua da.

Betidanik argi izan dugu superheroia nor den eta bilaua nor den, baita batek zein besteak izan beharreko ezaugarriak ere. Bada, orain, ustezko errealitate horri begiratzeko beste proposamen bat luzatzen digu Joker-ek, gurtu dugun orbanik gabeko ispilua hamaika zatitan txikituz.

Batman ez zen superheroi jaio, superheroi egin zuten. Eta Joker ere sistemaren asmazio bat da, beharrezkoa den etsaia, kontzientzia lasaigarria. Gertatzen dena da saguzarra aberaskumea dela, bestea historiarik gabeko hondakin bat dela, defendatzeko eskubiderik ez duen pieza ordezkagarria.

Horren ondorioz, batak indarkeriaren monopolioa izan du jaio zutenetik, bere balio eta nahien arabera justizia egiteko monopolioa. Hala izan da luzaroan. Kontua da, 80 urte geroago, Joker matxinatu dela eta berea dena eskatzera etorri dela. Hortik hipokrisia, hortik zalaparta.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JAIZKI FONTANEDA / @FOKU

Rockaren suak piztuta dirau

Aitor Biain

Gasteizko Azkena Rock jaialdian eskainitako emanaldiaren ondotik, Euskal Herrira itzuliko da Patti Smith; Donostiako Kursaal auditoriumean ariko da gaur iluntzean. Punk-rockaren ikur handienetako bat da, eta Donostian emango dio amaiera Europa osoan egindako kontzertu birari.
Alex Sanvi eta Unai Iturriaga, atzo, Elkarreko komikiaren txokoan, Donostian. ©MAIALEN ANDRES / FOKU

Mundura atera dira H.B. eta Lo-li-ta

Itziar Ugarte Irizar

Unai Iturriagak eta Alex Sanvik 'Haur Besoetakoa. Itsasoan urak handi' komikia eman dute, Ikastolen Elkartearen eta 'Xabiroi'-ren eskutik. Orain arteko albumik «sendoena» dela uste dute
Alexei Volodin pianista, artxiboko irudi batean. ©EUSKADIKO ORKESTRA
Anari Alberdi. ©JABOGA MANTEROLA / FOKU

Prosaz haragoko udazken bat

Iñigo Astiz

Anari Alberdiren liburua da udazkeneko literatur nobedaderik deigarrienetako bat, baina Agirreren, Epaltzaren eta Ibarzabalen nobelak, Zalduaren ipuinak eta komiki esanguratsuak ere badira tartean

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...